Lua tosi o Sau 8:1 - Tosi Tapu

¹ Na pati loa Eliseo ki le fafine leia na fakamauli e ia lona tama : Tuu ki aluga, ti ke ano, a koe mo lou fale, ti ke nofo i se ganea leia e mafai ke ke nofo ai ; talie kua kakau mai e le Eteleno le oge ki le fenua o Iselaele i fetuu e fitu.

Lua tosi o Sau 8:1 ပူးပေါင်းရင်းမြစ်များ

Senesi 12:10

Na to loa se oge i le fenua. Ti na ifo loa Apalamo ki Esipito ke nofo i ai, talie na lasi ai le oge i le fenua.

Senesi 26:1

Na to loa se oge i le fenua, na kese a ia mo le uluaki oge leia na to i le temi o Apalaamo. Ti na ano loa Isaake kia Apimeleke, ko le sau o le kau Filisitini, i Kela.

Senesi 41:25

Na pati loa Sosefo kia Falaone : Ko le nea leia na moe miti ki ai Falaone ko le nea e tasi. Kua fakasa e le Atua kia Falaone le nea leia ka fai loa e ia.

Senesi 41:32

Kapau na tio tua lua Falaone ki le moe miti, ko lona uiga, kua fakapapau e le Eteleno ke fai le nea lena, ti e leaise toe talitali loa a ia.

Senesi 41:54

Ti na kamata loa a fetuu oge e fitu, ofaipe lona kua fakasa e Sosefo. Na to loa le oge i fenua fuli, kae na maua loa le pane i le fenua katoa o Esipito.

Senesi 47:4

Ti na lotou toe pati foki kia Falaone : Kua veli ai le oge i le fenua o Kanaane, ti e leaise koi maua se nea ke fagai ai a manu o au tagata fakasausau, koia kua motou au ai o nofo fakatemi i le fenua nei. Ke ke fakataga ki au tagata fakasausau ke lotou nonofo i le fenua o Koseni.

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Lua tosi a Samuele 24:13

Na ano loa Kate kia Tavite, ti na fakasa loa e ia kiate ia le nea lena, o pati : Pe ke loto ki ni fetuu oge e fitu i lou fenua, pe ko ni masina e tolu e ke sola ai loa i mua o ou fili ala e tuli ia loa a koe, pe ko ni aso taumasaki veli e tolu i lou fenua ? I le lakaga nei ke ke filifili, ti ke ke tio pe kolea le nea e tonu ke kau tali loa ki leia na kakau ia mai au.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:2

Ti na ano loa Elia, ke tuu i mua o Akapo. Na lasi ai le oge i Samalia.

Lua tosi o Sau 4:18

Na tupu ake loa le toe o lasi. Ti na ano loa a ia i se aso ki lona tamana leia na nofo mo le kau tuuti fulumeto.

Lua tosi o Sau 4:36

Na kalagai loa e Eliseo a Keasi, o pati : Kalagai le fafine Sunami ke au. Ti na kalagai loa a ia e Keasi, ti na ano loa a ia kia Eliseo, leia na pati loa kiate ia : Too lou tama !

Lua tosi o Sau 4:38

Na toe au loa Eliseo ki Kilikale, ti na i ai se oge i le fenua. Na tonatona loa a vosa o le kau polofeta i ona mua, ti na pati loa a Eliseo ki lana tagata fakasausau : fakatuu le fa kulo lasi ti ke fakamoso se supa ki vosa o le kau polofeta.

Lua tosi o Sau 7:20

Ti na soko totonu loa le nea lena kiate ia : Na takatakafi loa a ia i le matapa e le kakai.

Lua tosi o Sau 8:2

Na tuu ake loa le fafine, ti na fai loa e ia o mulimuli ki le folafola a le tagata a le Atua : na ano loa a ia, a ia mo lona fale, o nofo i fetuu e fitu i le fenua o le kau Filisitini.

Pesalemo 105:16

Na kalagai loa e ia le oge ki le fenua, Na tuuti loa e ia le pane.

Pesalemo 107:34

Le kele mauli ko se kele kaka, O tupu ko le agaveli o lona kakai.

Selemia 25:29

Talie ko leinei, kua kau kamata fai le veli I le kolo leia e kalagai ai loku suafa ; Ti ko koutou, pe kotou sala tautea loa ? E leaise kotou sala loa i le tautea ; Talie e kau kalagai loa le seleta ki kakai fuli o le malama nei, E pati le Eteleno o kau tau.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Amosi 4:6

Ti ko au, na kau kakau atu kia koutou le oge ki okoutou kolo fuli, Le oge i le nea kai ki okoutou nofoaga fuli. Kae logo ai le nea lena, e leaise kotou toe liliu mai kiate au, e pati le Eteleno.

Akeseo 1:11

Na kau kakau mai le taulaa ki le fenua, mo mauga, Mo le fulumeto, mo le vino, mo le lolo, Mo nea fuli ala e feala ke maua mei le kele, Mo tagata mo manu, Ti mo gaoiaga fuli o lima.

Luka 21:11

e soko loa ni mafuike lalasi, mo ni oge, ti mo ni taumasaki lalasi, i potu kesekese ; ti e sa loa mei le lagi ni nea fakaii ti mo ni fakamailoga lalasi.

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Luka 4:25

E kau fakasa maoki atu kia koutou, na toka api a fafine lokonui i Iselaele i le temi o Elia, i le lakaga leia na mapono ai le lagi i fetuu e tolu mo masina e ono ti na to ai se oge lasi i le fenua katoa ;

Gaoi 11:28

Ko se tasi o latou na igoa ko Akapusi, na tuu loa ki aluga o fakasa i le Laumalie, e to loa se oge lasi i le malama nei katoa. Ti na to loa le oge lena i le temi o Kolote, sau o le kau Loma.

Lute 1:1

I le temi o le kau tui fakamaau, na to loa se oge i le fenua. Na ano loa se tagata o Peteleemi i Suta mo lana avaga, mo ona vosa e toka lua, o nofo i le fenua o Moape.