Lua tosi o Sau 7:6 - Tosi Tapu

⁶ Na fakagugulu e le Aliki i le loto o le nofolaga tau o le kau Silia se logoa o ni kau saliote ti mo se logoa o ni kau osi, le logoa o se fa solia api ai, ti na femasauaki loa le kau Silia ia latou : Ko leinei, kua totogi e le sau o Iselaele a sau o le kau Eti mo sau o le kau Esipito ke au o taui tatou.

Lua tosi o Sau 7:6 ပူးပေါင်းရင်းမြစ်များ

Lua tosi a Samuele 10:6

I le tio loa o vosa o Amone ki le fakalialia o le nea leia na lotou fai kia Tavite, na lotou totogi loa a kau tagata solia e tino lua afe i le solia a le kau Silia o Pete-Leopi mo le kau Silia o Tesopa, mo kau tagata e tino afe i le sau o Maaka, ti mo kau tagata e tino agafulu tupu lua afe i le kakai o Tope.

Lua tosi a Samuele 5:24

Ka ke logo loa ki le pakaka o se saele i tumutumu o mulie, ti ke fakatavili loa talie kua saele le Eteleno i ou mua o taui le solia a le kau Filisitini.

Uluaki tosi o Sau 10:29

na pale ake mo mavae ake le saliote e tasi mei Esipito ki fa piesi paaga e kau lelau ono, ti ko le osi e tasi ki fa piesi paaga e kau lelau kau lima. Na lotou toe aumai foki ni saliote mo ni osi ki sau fuli o le kau Eti mo sau o Silia.

Uluaki tosi o Sau 20:20

na lotou tasi tamate loa lana fa tagata, ti na sosola loa le kau Silia. Na tuli loa latou e Iselaele. Na sola loa Pene-Atate, sau o Silia, i se osi, mo ni kau tagata ekeosi.

Lua tosi o Sau 19:7

E kau tuku loa kiate ia se laumalie o tupu ke maua loa e ia se logo, ti ke toe liliu loa a ia ki lona fenua, ti ke kau tamate loa a ia ki le seleta i lona fenua.

Lua tosi o Sau 7:5

Na lotou ano loa i le afiafi ki le nofolaga tau o le kau Silia ; I le temi na lotou kaku ai loa ki le uluaga o le nofoaga o le kau Silia, ko leinei, na leaise se fa toka tasi i ai.

Sopo 15:21

E kalaga ni leo fakaii ki ona taliga, Ti e saele le tagata maumau kiate ia kae e leaise iloa e ia.

Pesalemo 14:5

Koia e lotou lulu loa i le i lasi, Mo ka sa mai loa le Atua i loto malie o le lanu o tagata agatonu.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 36:9

Pe feaki loa ke ke kapu ia se pule e tasi i pule liliki o loku sau ? Pe ke tuku lau fanaki ki Esipito, ke maua mei ai ni saliote mo ni tagata ekeosi ?

Selemia 46:21

E saele ana kau solia totogi mo ia ofaipe ni uviki pipi na fakapepeti. Kae ko latou foki, e lotou titua, e lotou sosola fuli sala ga fakatutuu fua. Talie kua soko le aso o lolatou malaia, Le aso o lolatou tautea.

Esekiele 1:24

I lalatou saele, na kau logo loa ki le logoa o olatou kapakau, ofaipe le gugulu o vai lalasi, ofaipe le leo o le Mafimafi, pe ko se logoa o se solia toka api ; ka lotou tuu loa, e lotou fakavilo loa olatou kapakau.

Esekiele 10:5

Ti na logo loa o kaku ki le lotoa i fafo le patu o kapakau o selupino, ofaipe le leo o le Atua mafimafi mo ka folafola.

Apokalipisi 9:9

Ti na lotou maua ni kofu tau ofaipe ni kofu tau ukamea, ti ko le logoa o olatou kapakau na faipe se logoa o saliote ala kua toso e ni osi mauke, o makape ki le tau.

Tuifakamaau 7:21

Na lotou tasi tuu loa i lona tuuaga o takatakai le nofolaga tau o Matiane. Kae i loto o le nofolaga o Matiane, na oso saele loa le kakai, mo kalaga, ti mo sosola.

Uluaki tosi a Samuele 14:15

Na mafola loa le lulu i le nofolaga tau o le kau Filisitini, mo le fenua, mo le kakai katoa ; na toe lulu foki mo le kolo tau mo le kau maumau ; na maveuveu katoa le fenua. Na faipe se maveuveu na au mei le Atua.

Uluaki tosi a Samuele 26:6

Na pati loa Tavite kia Asimeleke, le tagata Eti, mo Apisai, ko le vosa o Teselusa, le taina o Soape : Ko ai leia e fia ifo mo au ki le nofolaga tau kia Saulo ? Ti na tali loa Apisai : Ko au, e kau ifo loa mo koe.