Lua tosi o Sau 7:5 - Tosi Tapu

⁵ Na lotou ano loa i le afiafi ki le nofolaga tau o le kau Silia ; I le temi na lotou kaku ai loa ki le uluaga o le nofoaga o le kau Silia, ko leinei, na leaise se fa toka tasi i ai.

Lua tosi o Sau 7:5 ပူးပေါင်းရင်းမြစ်များ

Lua tosi o Sau 7:4

Kapau e tou manatu ke tou ulu ki le kolo, e nofo le oge i le kolo ti e tou mamate ai loa ; ti kapau e tou nonofo aifai i leinei, e tou toe mamate ai foki. Koia ke tou ano o ulu ki le nofolaga tau o le kau Silia ; kapau e lotou tuku tatou ke mauli, e tou mauuli loa, ti kapau e lotou tamate tatou, e tou mamate loa.

Lua tosi o Sau 7:6

Na fakagugulu e le Aliki i le loto o le nofolaga tau o le kau Silia se logoa o ni kau saliote ti mo se logoa o ni kau osi, le logoa o se fa solia api ai, ti na femasauaki loa le kau Silia ia latou : Ko leinei, kua totogi e le sau o Iselaele a sau o le kau Eti mo sau o le kau Esipito ke au o taui tatou.

Esekiele 12:12

Ko le pule leia e nofo i loto malie o latou, E teki ia loa lana kavega ki lona ua i le pouli, ti e ano loa ; E puui loa le paa ke fakaulu ai a ia ki fafo ; E pulou loa ona mata, Ke aua na tio ona mata ki le kele.

Levitiko 27:26

E leaise taga loa ke fakatapui e se tagata ki le Eteleno se manu uluaki o lona kau manu, talie e maua a manu uluaki fuli e le Eteleno : le pipi, mo le akeno, mo le koti.

Levitiko 27:8

Ti kapau e mativa veli se tasi ke totogi ai le paaga totonu, e ave loa e ia leia e tonu ke totogi ki mua o le tagata faisakilifisio ; ti e fakafuafua loa e le tagata faisakilifisio le lasi o le totogi o mulimuli ki le nea leia e maua e le tagata lena na fai ia le fakapapau.

Tetelonome 28:7

E kapu loa e le Eteleno i ou mua ou fili ala e malaga atu loa kiate koe. E lotou au loa kiate koe i se ala e tasi, ti e lotou sosola loa i ou mua i ni ala e fitu.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?

Uluaki tosi a Samuele 30:17

Na tamate loa latou e Tavite mei le mafoata o kaku ki le afiafi, ti na leaise sao fua se fa toka tasi, e gato ki ni tupulaga e tino lelau fa ala na eke ki ni kamelo, o sosola.