Lua tosi o Sau 7:2 - Tosi Tapu

² Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Lua tosi o Sau 7:2 ပူးပေါင်းရင်းမြစ်များ

Senesi 7:11

I le fetuu kau lelau ono o le mauli o Noe, i le lua masina, i le aso kau agafulu tupu fitu o le masina, i le aso lena na mapusi loa a matapuna fuli o le moana lasi ki aluga, ti na mavaa loa a matapa o le lagi.

Lua tosi o Sau 5:18

Ko leinei fua le nea leia e kau kole ki le Eteleno ke fakamolemole mai ki lau tagata fakasausau. Ka ulu loa loku pule ki le fale o lona atua ko Limoni o tulolo i ai, ti ka falanaki loa a ia ki loku lima, e kau toe tulolo foki i le fale o Limoni. Ke alofa le Eteleno o fakamolemole ki lau tagata fakasausau, mo ka e kau tulolo loa i le fale o Limoni !

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Pesalemo 78:41

Io, na leaise gato loa lalatou asiasii le Atua, Ti mo lalatou fakatupu ia le sausau o le Sagato o Iselaele.

Esaia 7:9

Ko le ulu o Efalaimi ko Samalia, Ti ko le ulu o Samalia ko le vosa o Lemalia. Kapau e leaise kotou tui, Ti e leaise kotou tologa loa.

Selemia 29:32

Ko leinei le nea leia e fakasa e le Eteleno : E kau tautea loa Semaesa, le tagata Neselami, mo lona sakoga ; e leaise nofo loa se tasi o lona sakoga i loto malie o le kakai lena, ti e leaise tio loa a ia ki le malie leia e kau fai loa ki loku kakai, e pati le Eteleno ; talie ko ana masau ko se agatuu ki le Eteleno.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Numelo 11:13

E kau maua loa ifea se kanoi manu leia ke soli ki le kakai fuli leinei ? Talie e lotou fetagisi fuli i oku tafa, o pati : soli mai kia matou se kanoi manu ke kai !

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Loma 3:3

Kolea koia ! Kapau na leaise tui ni iki, pe fakapuli loa e lolatou tui gataa le agatonu o le Atua ?

Tetelonome 3:27

Pale ki le tumutumu o le mauga ko Pisika, ti ke fakamavaa lasi loa ou mata, o tio ki le uesite, mo le noleto, mo le saute, mo le esite ; talie e leaise ke fakalaka loa i le Solotane lena.

Lua tosi kia Timoteo 2:13

kapau e leaise tou agatonu, e agatonu a ia, talie e leaise mafai ke fakafiti a ia kiate ia totonu.