Lua tosi o Sau 7:1 - Tosi Tapu

¹ Na pati loa Eliseo : Kotou fakalogo ki le folafola a le Eteleno ! I apogipogi, i le ola leinei, e maua loa ni kilo falina e kau agafulu tupu lua ki se fa piesi paaga e tasi ti mo ni kilo falina olese e kau lua tupu fa ki se fa piesi paaga e tasi, i le maketi o Samalia.

Lua tosi o Sau 7:1 ပူးပေါင်းရင်းမြစ်များ

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Lua tosi o Sau 20:16

Na pati loa Esaia kia Esekiasi : Fakalogo mai ki le folafola a le Eteleno !

Lua tosi o Sau 4:42

Na kakau mai loa se tagata mei Paale-Salisa. Na aumai loa e ia se pane o uluaki fua ki le tagata a le Atua, ko le kau lua fa pane olese, ti mo ni fuai fulumeto foou i lana taga. Na pati loa Eliseo : Tufa latou ki le kakai lena ke lotou kai.

Lua tosi o Sau 6:25

Na to loa se oge lasi ai i Samalia ; na mailoga loa le veli o le tapotapono o Samalia e le kau Silia, na totogi loa le ulu o le asino ki fa paaga e kau valu, ti ko le vaeluai kilo o faikauga o lupe ki fa paaga e lima.

Lua tosi o Sau 6:33

Na koi masau Eliseo kia latou kae kaku mai le sau, o pati : E au le malaia leinei mei le Eteleno, kolea loa koi mafai ke kau toe amanaki ki ai ?

Lua tosi o Sau 7:16

Na ulu loa le kakai mei le kolo, o tae a koloa o le nofolaga tau o le kau Silia. Ti na maua loa le fua falina e tasi ki se fa sikele e tasi, ti mo fua falina olese e lua ki se fa sikele e tasi, o mulimuli ki le folafola a le Eteleno.

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Ekesote 16:12

Kua kau logo ki gugu a fanau o Iselaele. Pati kia latou : I le afiafi e kotou kai loa se kanoi manu, ti i le usu apogipogi, e kotou makokona loa i se pane ; ti e kotou iloa loa ko au ko le Eteleno, ko lokoutou Atua.

Ekesote 8:23

Koia e motou fai ai loa ni aso saele e tolu i le toafa, ti e motou momoli loa ni sakilifisio ki le Eteleno ko lomatou Atua, o mulimuli ki le nea leia e pati loa a ia ki ai.

Esaia 1:10

Pule o Sotoma, kotou fakalogo mai ki le folafola a le Eteleno ! Kakai o Komola, fakalogo mai lou taliga ki le lao o lomatou Atua !

Esekiele 37:4

Na pati mai loa a ia kiate au : Kikite ki ivi ana, o pati kia latou : Ivi malolo, kotou fakalogo mai ki le folafola a le Eteleno !

Soane 6:9

E nofo i leinei se ga tama leia e maua ia ni fa pane olese e lima mo ni ga ika e lua ; kae kolea lona uiga ki le toka api ?

Sosue 3:5

Na pati loa Sosue ki le kakai : Ke kotou fakamea, talie i apogipogi e fai loa e le Eteleno ni nea fakaofolele i loto malie o koutou.

Apokalipisi 6:6

Ti na kau logo loa i loto malie o manu mauuli e fa ki se leo leia na pati : Ko se fua fulumeto e tasi ki se tenalio e tasi, ti ko fua fulumeto uli e tolu ki se tenalio e tasi ; kae aua na ke fai se nea veli ki le lolo mo le vino.

Uluaki tosi a Samuele 11:9

Na lotou pati loa ki tagata avelogo ala na au mei Sapesi : E kotou masau feneeki loa ki le kakai o Sapesi i Kalaate : I apogipogi e kotou maua loa se tokoi, i le temi e vevela oki ai le laa. Na ave loa e tagata avelogo le logo lena kia latou i Sapesi, ti na lotou fiafia lasi ai ;

Uluaki tosi a Samuele 15:1

Na pati loa Samuele kia Saulo : Ko au leia na kakau e le Eteleno ke fakanofo ia a koe ke sau ki lona kakai, ko Iselaele : ti ko leinei, ke ke fakalogo loa ki le nea leia e fakasa e le Eteleno.