Lua tosi o Sau 6:32 - Tosi Tapu

³² Kae na tonatona Eliseo i lona fale, ti na tonatona le kau matua i ona tafa. Na kakau loa e le sau se tasi kia Eliseo ; kae i mua o le kaku ake a le tagata avelogo, na pati loa Eliseo ki le kau matua : Kotou tio mua, kua kakau mai e le nea tukipo lena se tasi ke au o tamate au. Kotou fakalogo mai ! ka kaku mai loa le tagata avelogo, kotou tapono le matapa kiate ia ke aua na ulu mai ki loto : pe leaise kotou logo loa ki le saele mai o lona pule i ona muli ?

Lua tosi o Sau 6:32 ပူးပေါင်းရင်းမြစ်များ

Uluaki tosi o Sau 14:6

I le logo loa a Akisa ki le logoa o lana saele i lana fakalaka i le matapa o ulu ki fale, na pati loa Akisa : Ulu mai, ei avaga o Selopoamo ; kolea e ke faiga ai ke ke liliu ko se tasi ake fafine ? Kua tuku mai kiate au ke kau fakasa atu kiate koe ni nea mamafa ai.

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Uluaki tosi o Sau 21:10

ti kotou tuku ki ona mua ni tagata agaveli e toka lua, o tupu ke la fakalakasala a ia, o pati : Na ke lauveli ki le Atua mo le sau ! Ti kotou taki a ia ki le tua kolo, o kotou tuki fatui a ia ke mate.

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Uluaki tosi o Sau 21:19

E ke pati loa kiate ia : Ko leinei le folafola a le Eteleno : Pe leaise ko se tagata tukipo mo kaia a koe ? Ti e ke pati loa kiate ia : Ko leinei le folafola a le Eteleno : I le ganea totonu leia na epo ai e kuli le toto o Napote, e toe epo ai loa e kuli lou toto.

Lua tosi o Sau 5:26

Kae na pati loa Eliseo kiate ia : Na leaise puli loku laumalie i le temi leia na ifo ai le tagata lena mei lana saliote, o au ke fakafetaulaki mai kiate koe. Pe ko le temi leinei ke too ai ni paaga, mo ni nea lava, o tupu ke totogi ai ni faisaga olive, mo ni faisaga vite, mo ni ovi, mo ni pipi, mo ni tagata fakasausau, ti mo ni fafine fakasausau ?

Lua tosi o Sau 6:12

Na tali loa se tasi o ana tagata fakasausau : E leaise tasi ai ! ei sau, loku aliki ; kae ko Eliseo, le polofeta leia i Iselaele, e fakasa ia ki le sau o Iselaele a masau fuli ala e ke fai i lou kogafale moe.

Lua tosi o Sau 7:17

Na tuku loa e le sau le taupau o le matapa ki le ofisa leia na fanaki ki ai lona lima ; kae na takatakafi loa le ofisa lena i le matapa e le kakai, ti na mate ai loa a ia, o mulimuli ki le folafola leia na fakasa e le tagata a le Atua i le aso leia na ifo ake ai le sau kiate ia.

Selemia 11:18

Na fakasa mai a ia e le Eteleno kiate au, Ti na kau iloa a ia ; Ti na ke fakatio au ki alatou gaoi.

Selemia 32:3

Talie na fakatotonu e le sau ko Setesiasi ke tuku a ia ki ai, o pati kiate ia : Kolea e ke kikite ai, o pati : E folafola le Eteleno, o pati : Ko leinei, e kau tuku le kolo leinei ki lima o le sau o Papilone, ti e too loa e ia a ia ;

Esekiele 14:1

Na au loa kiate au ni iki o le kau matua o Iselaele, o tonatona i oku mua.

Esekiele 20:1

I le fitu o fetuu, i le aso kau agafulu o le lima o masina, na au loa ni iki o le kau matua o Iselaele, o afa le finegalo o le Eteleno, ti na lotou tonatona loa i oku mua.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Esekiele 8:1

I lona ono fetuu, i le aso lima o lona ono masina, na kau tonatona i loku fale, ti na tonatona le kau matua o Suta i oku mua, na soko loa ko le lima o le Aliki, o le Eteleno, na teki kiate au.

Luka 13:32

Na pati loa a ia kia latou : Kotou ano o fakasa ki le lenato lena : Ko leinei e kau kapu a temonio mo fakamauli ni iki i le aso nei mo apogipogi, ti e oki loa laku gaoi i le tolu o aso.