Lua tosi o Sau 6:31 - Tosi Tapu

³¹ Na pati loa le sau : Ke tautea au e le Atua i lona makeke katoa, mo kapau e pikipiki le fa ulu o Eliseo, vosa o Safate, iate ia i le aso nei !

Lua tosi o Sau 6:31 ပူးပေါင်းရင်းမြစ်များ

Lua tosi a Samuele 19:13

E kotou toe pati loa kia Amasa : Pe leaise ko loku ivi mo loku kanofi a koe, ke tautea au e le Atua i lona makeke katoa mo kapau e leaise ke liliu i oku mua ko le pule o le solia, o fetogi Soape, o lee gato !

Lua tosi a Samuele 3:35

Ti na toe fetagisi loa le kakai katoa kia Apenele. Na fakafeofi ake loa le kakai katoa kia Tavite o fakakolekole kiate ia ke kai e ia se nea kai koi ao ; kae na fakapapau loa Tavite, o pati : Ke tautea au e le Atua i lona makeke katoa, mo kapau e kau kai se pane pe ko se nea fua i mua o le galo o le laa !

Lua tosi a Samuele 3:9

Ke tautea e le Atua a Apenele i lona makeke katoa, mo kapau e leaise kau fai kia Tavite o mulimuli ki le fakapapau a le Eteleno kia Tavite,

Uluaki tosi o Sau 18:17

I le tio loa a Akapo kia Elia, na pati loa a ia kiate ia : Pe ko koe leia e fakamaveuveu ia Iselaele ?

Uluaki tosi o Sau 19:2

Na kakau loa e Sesapele se tagata avelogo kia Elia, o pati kiate ia : Ke tautea au e oku atua i lolatou makeke katoa mo kapau i apogipogi, i le ola leinei, e leaise kau fai loa ki lou mauli le nea leia na ke fai ki le mauli o le kau polofeta !

Uluaki tosi o Sau 2:23

Ti na fakapapau loa le sau ko Salomone i mua o le Eteleno, o pati : Ke tautea au e le Atua i lona makeke katoa, mo kapau e leaise mate loa Atonisa i lana fai ia a masau ana !

Uluaki tosi o Sau 20:10

Na toe kakau loa e Pene-Atate ke pati kia Akapo : Ke tautea au e atua ki lolatou makeke katoa, mo kapau e kau tuku loa i Samalia se efui fatu ke tasi mo ia laku kau solia katoa o fakaapele lona alofilima !

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Lua tosi o Sau 5:20

Ka na pati loa Keasi, tagata fakasausau a Eliseo, tagata a le Atua, i lona loto : Ko leinei, na leaise tali e loku pule se nea i nea alofa meia Naamane, le tagata Silia ; e mauli le Eteleno ! ka kau makape loa i ona muli, ti e kau maua loa se nea meiate ia.

Taagapati 16:14

Ko le ita o le sau ko se tagata avelogo o le mate, Ti e tonu ke fakafimalie lona loto e se tagata poto.

Selemia 38:4

Ti na pati loa le kau pule ki le sau : E tonu ke tamate le tagata leinei ! O tupu e fakalotogaegae e ia a tagata tau ala koi toe i le kolo leinei, mo le kakai katoa, i lana fai kia latou a tau masau ana ; e leaise afa e le tagata leinei le malie o le kakai, kae e loto a ia ki lona malaia.

Soane 11:50

Kotou fakakaukau : e malie ake kia koutou ke mate se tagata e toka tasi ki le kakai, kae ke aua na maumaui le puleaga katoa.

Lute 1:17

Ko le ganea leia e ke mate ai loa, e kau mate ai loa ti e kau tanu ai loa. Ke tautea au e le Eteleno i lona makeke katoa, mo kapau e i ai se tasi ake a nea i le mate e vaei ia loa au meiate koe !

Uluaki tosi a Samuele 14:44

Ti na pati loa Saulo : Ke tautea au e le Atua i lona makeke katoa, mo kapau e leaise ke mate loa, Sonatane !

Uluaki tosi a Samuele 25:22

Ke tautea e le Atua i lona makeke katoa lana tagata fakasausau ko Tavite, mo kapau e kau tuku ke tologa o kaku ki le usu se tasi fua pe ko se nea fua i nea fuli a Napale !

Uluaki tosi a Samuele 3:17

Ti na pati loa a Eli : Kolea le folafola leia na fai atu e le Eteleno kiate koe ? Aua na ke fufu mai kiate au se nea fua e tasi. Ke tautea a koe e le Atua i lona makeke katoa, mo kapau e ke fufu mai kiate au se nea fua e tasi !