Lua tosi o Sau 6:21 - Tosi Tapu

²¹ I le tio loa a le sau o Iselaele kia latou, na pati loa a ia kia Eliseo : Loku tamana, pe kau tamate, pe kau tamate latou ?

Lua tosi o Sau 6:21 ပူးပေါင်းရင်းမြစ်များ

Lua tosi o Sau 13:14

Na maua loa Eliseo e le masaki leia na mate ai ; na ifo loa Soasi, sau o Iselaele, o tagi ki ona mata, o pati : Loku tamana ! loku tamana ! Saliote o Iselaele mo lana kau solia ekeosi !

Lua tosi o Sau 2:12

Na tio Eliseo mo tagi : Loku tamana ! loku tamana ! Saliote o Iselaele mo lana kau tagata ekeosi ! Ti na leaise toe tio loa a ia kia Elia. Na too loa e ia ona teu o sae lua,

Lua tosi o Sau 5:13

Kae na fakafeofi ake loa ana tagata fakasausau, o pati kiate ia : Tamana, kanapau na kole atu e le polofeta kiate koe se nea faigataa, pe na leaise ke fai loa a ia ? Ti kolea e leaise ke fai ai loa le nea leia kua pati atu a ia kiate koe : Maanu, ti e ke mea loa !

Lua tosi o Sau 8:9

Na ano loa Asaele o fakafetaulaki kia Eliseo, mo se nea alofa i lona lima, leia na too mei nea malilie fuli i Tamaso, ko amoga a kamelo e kau fa. I lana kaku atu, na ano loa a ia ki mua o Eliseo, o pati : Kua kakau mai au e lou vosa ko Pene-Atate, sau o Silia, ke pati atu kiate koe : Pe kau mauli loa mei le masaki leinei ?

Luka 22:49

I le tio a latou ala na nonofo mo Sesu ki le nea leia kua soko, na lotou pati loa kiate ia : Aliki, pe motou taai ki amatou seleta ?

Uluaki tosi a Samuele 24:19

E ke fakasa i le aso nei lou agamalie kiate au, talie kua tuku atu au e le Eteleno ki ou lima, ti na leaise ke tamate fua au.

Uluaki tosi a Samuele 24:4

Na kaku loa a ia ki ni lotoa ovi ala na tuu i tafa o le ala ; ti na tuu se ana i le ganea lena, ti na ulu loa Saulo ki loto o fakatau mua ona vae. Na nofo Tavite mo lana kakai i loto oki o le ana.

Uluaki tosi a Samuele 26:8

Na pati loa Apisai kia Tavite : Kua tuku e le Atua i le aso nei lou fili ki ou lima ; e kau kole atu kiate koe ke ke tuku mai ke kau tooi a ia ki laku tao ke piki ki le kele, i se fa soka fai e tasi, ti ke aua na kau toe liuga a ia.