Lua tosi o Sau 6:18 - Tosi Tapu

¹⁸ Na ifo loa le kau Silia kia Eliseo. Ti na fai loa e Eliseo le kole leinei ki le Eteleno : E kau kole atu kiate koe ke ke taai le kakai leinei ke kivi ! Ti na taai loa latou e le Eteleno o kivi, o mulimuli ki le kole a Eliseo.

Lua tosi o Sau 6:18 ပူးပေါင်းရင်းမြစ်များ

Senesi 19:11

Ti na la fakakivi loa a mata o le kakai leia na tuu i le mua matapa o le fale, mei le tupulaga o kaku ki le matua, o lotou pakia loa i le afa o le matapa.

Lua tosi o Sau 6:19

Na pati loa Eliseo kia latou : E leaise ko le ala leinei, ti e leaise ko le kolo leinei ; kotou mulimuli mai iate au, ti e kau taki loa koutou ki le tagata leia e kotou afa ia. Ti na taki loa latou e Eliseo ki Samalia.

Sopo 5:14

E lotou felavei mo le fakapouli ka koi ao, Ti e lotou saele taufa i le lalatea ofaipe le pouli.

Oseo 1:7

Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.

Sakalia 12:4

I le aso lena, e pati le Eteleno, E kau taai loa a osi fuli ki le ulu vale, Ti mo latou ala e eke i osi ki le valea. Kae e kau fakamavaa loa oku mata ki le fale o Suta, I le aso leia e kau tautea ai loa ki le kivi a osi fuli o kakai.

Soane 12:40

Kua fakakivi e ia olatou mata ; Ti kua fakafefeka e ia olatou loto, Ke aua na lotou tio ki olatou mata, Ke aua na lotou matala i olatou loto, Ti ke aua na lotou tafoki, ti ke aua na kau fakamauli latou.

Soane 9:39

Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Gaoi 13:11

Ko leinei : I le lakaga nei, kua vilo kiate koe le lima o le Aliki, e ke kivi loa, ti e leaise ke toe tio loa ki le laa o fualoa. Ti na to loa kiate ia le nenefu mo le fakapouli ; ti na taufa loa a ia, o afa se tasi ke taki ia a ia.

Loma 11:7

Kolea koia ? Ko le nea leia na afa e Iselaele na leaise maua e ia, kae ko le kau filifiliia kua lotou maua a ia, ti ko la ake kua fakafefeka latou,

Tetelonome 28:28

E tautea loa a koe e le Eteleno ki le ulu vale, mo le mata fakapouli, mo le valea.