Lua tosi o Sau 6:17 - Tosi Tapu

¹⁷ Ti na faikole loa Eliseo, o pati : Eteleno fakamavaa ona mata, o tupu ke tio a ia. Ti na fakamavaa loa e le Eteleno a mata o le tagata fakasausau, leia na tio loa ki le mauga kua apele i osi mo saliote afi ala kua takatakai ia Eliseo.

Lua tosi o Sau 6:17 ပူးပေါင်းရင်းမြစ်များ

Senesi 21:19

Ti na fakamavaa loa e le Atua ona mata, ti na tio loa a ia ki se sosoni vai ; na ano loa a ia o fakaapele le fagu vai, o fakainu ai le toe.

Senesi 32:1

Na ano loa Sakopo i lona ala ; ti na fakafetaulaki loa kiate ia ni aselo o le Atua.

Senesi 32:2

I lana tio kia latou, na pati loa Sakopo : Ko le kau tau a le Atua ! Ti na soli loa e ia ki le ganea lena le igoa ko Maanaimi.

Senesi 32:3

Na kakau loa e Sakopo ni tagata avelogo ke muamua iate ia ki lona taina ko Esau, i le fenua ko Seili, leia e kau ki Etome.

Lua tosi o Sau 2:11

Na la soko atu lala saele, o masasau, ti na fokifa loa kua vaei laua e se saliote afi mo ni osi afi, ti na pale ake loa Elia ki lagi i se asesio.

Pesalemo 104:3

E fai e ia ki atu vai le taufufu o lona nofoaga ; E too e ia a ao ko lana saliote ; E saele a ia i kapakau o le matagi.

Pesalemo 104:4

E fai e ia ki matagi ana tagata avelogo, Ki ulai afi ana tagata fakasausau.

Pesalemo 119:18

Fakamavaa oku mata, o tupu ke kau tio Ki nea fulumalilie o lau lao !

Pesalemo 125:2

E takatakai e ni mauga Selusalemi ; Ti e takatakai foki e le Eteleno lona kakai, I le temi nei o lee gato.

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Pesalemo 68:17

Kolea, ei mauga e tumutumu mauke, E kotou finenonofo ai Ki le mauga leia na filifili e le Atua ke nofo ai ? Io, e fai loa e le Eteleno i ai lona nofoaga o lee gato.

Pesalemo 91:11

Talie e fakatotonu loa e ia ki lana kau aselo Ke taupau ia a koe i ou ala fuli.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Taniela 10:7

Ko au Taniela, na kau tio toka tasi ki le nea lena, ti ko tagata ala na nonofo mo au na leaise tio ki ai, kae na lotou maua se i lasi, ti na lotou sosola loa o mumuni.

Sakalia 1:8

Na kau tio i le pouli, ti ko leinei, na eke se tagata i se osi kula, ti na tuu a ia i loto malie o ni mila i se ganea malumalu ; na tutuu i ona muli ni osi kula, mo ni osi uli, ti mo ni osi tea.

Numelo 22:31

Na fakamavaa loa e le Eteleno a mata o Palaame, ti na tio loa Palaame ki le aselo a le Eteleno leia na tuu i le ala, mo lana seleta kua kukumi i lona lima ; ti na punou loa Palaame o fakatuu ona mata ki le kele.

Mateo 26:53

Pe ke pati e leaise mafai ke kau kole ki loku Tamana, ke tuku mai e ia i le lakaga nei fai ni fa solia aselo e tino agafulu tupu lua pe lasi atu ?

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Apokalipisi 19:11

Ti na oki a ia, na kau tio loa kua mavaa le lagi, ti ko leinei, na sa loa se osi tea. Ko leia na eke i ai e igoa ko Agatonu mo Maoki, ti e fakamaaui e ia, ti e tau a ia i le faitotonu.

Apokalipisi 19:14

Ti na muli loa iate ia a kau tau ala i le lagi, mo ni osi tetea, kua teu ki le kie mauiga, mo tea, mo mea.

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :