Lua tosi o Sau 6:16 - Tosi Tapu

¹⁶ Na tali loa Eliseo : Aua na ke tuania fua, talie e api ake latou ala e kau mo taua ia latou ala e nofo mo latou.

Lua tosi o Sau 6:16 ပူးပေါင်းရင်းမြစ်များ

Senesi 32:1

Na ano loa Sakopo i lona ala ; ti na fakafetaulaki loa kiate ia ni aselo o le Atua.

Lua tosi o Sau 6:15

Na ala usu ake loa le tagata fakasausau a le tagata a le Atua, o ulu ki fafo ; ti na tio loa a ia ki se solia kua a takatakai ia le kolo, mo ni osi ti mo ni saliote. Ti na pati loa le tagata fakasausau ki le tagata a le Atua : Oi ! ei loku aliki, kolea ke ta fai ?

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Pesalemo 11:1

Ki le pule o le kau sua. Pesalemo a Tavite. Ko le Eteleno leia e kau afa ai se mumuniaga. Pe mafai feaki ke kotou pati mai kiate au : Sola ki okoutou mauga, ofaipe se manu lele ?

Pesalemo 27:3

Kapau e tanaki se kau tau kiate au, E leaise i fua loku loto. Kapau e lagai mai se tau kiate au, E kau apele loa i le fanaki i le nea lena.

Pesalemo 3:6

E kau moe, ti e kau moe mate ; E kau ala ake, talie ko le Eteleno ko loku tokoi.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 55:18

I le afiafi, mo le usu, mo le lalatea, e kau fakaamu ti e kau tagi, Ti e logo loa a ia ki loku leo.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Selemia 39:17

Kae e pati le Eteleno, i le aso lena, e kau saofaki loa a koe, ti e leaise tuku loa a koe ki lima o tagata, ala e ke i ki ai.

Mateo 26:53

Pe ke pati e leaise mafai ke kau kole ki loku Tamana, ke tuku mai e ia i le lakaga nei fai ni fa solia aselo e tino agafulu tupu lua pe lasi atu ?

Maleko 16:6

Kae na pati loa a ia kia latou : Aua na kotou i ; e kotou afa Sesu mei Nasaleti, leia na tutuki ki le koluse ; kua toe tuuake a ia, ti e leaise koi nofo a ia i leinei ; kotou tio ki le ganea leia na tuku ai a ia.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Sosue 11:6

Na pati loa le Eteleno kia Sosue : Ke aua na ke i kia latou, talie i le aso apogipogi, i le ola leinei, e kau tuku loa latou fuli ke tamate i mua o Iselaele. E ke tuuti loa a ivi o vae o alatou osi ti e ke tutu loa olatou saliote i le afi.

Uluaki tosi a Soane 4:4

Ko koutou, fanau liliki, e kotou au mei le Atua, ti kua kotou malo i le kau polofeta loi, talie ko leia e nofo ia koutou e lasi ake i leia e nofo i le malama nei.