Lua tosi o Sau 6:14 - Tosi Tapu

¹⁴ Na kakau loa e le sau ki ai ni osi, mo ni saliote, mo se solia makeke, ala na kaku loa i le pouli ti na a takatakai ia loa le kolo.

Lua tosi o Sau 6:14 ပူးပေါင်းရင်းမြစ်များ

Lua tosi o Sau 18:17

Na kakau loa e le sau o Asilia mei Lakisi ki Selusalemi, ki le sau ko Esekiasi, a Taletane, mo Lape-Salise ti mo Lapesake mo se solia makeke ai. Na lotou pale loa o kaku ki Selusalemi. I lalatou kaku ki ai, na lotou tutuu loa i tafa o le aleso leia e taki ia le vai ki le fa tane aluga, i le ala ki le faisaga o le tagata fai fo.

Lua tosi o Sau 6:13

Ti na pati loa le sau : Kotou ano, o tio pe nofo a ia ifea, ti e kau kakau loa ke too a ia. Na au loa o fakasa ki le sau : Ko leinei, e nofo a ia i Totane.

Lua tosi o Sau 6:15

Na ala usu ake loa le tagata fakasausau a le tagata a le Atua, o ulu ki fafo ; ti na tio loa a ia ki se solia kua a takatakai ia le kolo, mo ni osi ti mo ni saliote. Ti na pati loa le tagata fakasausau ki le tagata a le Atua : Oi ! ei loku aliki, kolea ke ta fai ?

Mateo 26:47

Koi lolotoga lana masau, ko leinei Sutasi, ko se tasi o le tino agafulu tupu lua, na kaku mai loa, ti mo se kakai toka api ai, mo ni seleta ti mo ni laakau, na kakau mai latou e le kau pule faisakilifisio ti mo le kau fakamatuatua o le kakai.

Mateo 26:55

I le temi lena, na pati loa Sesu ki le kakai : Kua kotou au kiate au ofaipe se tagata agaveli, mo ni seleta ti mo ni laakau, ke kotou too fakamakeke au. Na kau tonatona i aso fuli i lotolotoga o koutou, o akonaki i le fale tapu, ti na leaise kotou too fua au.

Luka 21:20

Ka kotou tio loa kua takatakai Selusalemi e ni kau tau, ti kotou iloa kua vave fua lona maumaui.

Uluaki tosi a Samuele 23:26

Na saele Saulo i le tasi fetuu o le mauga, ti na saele Tavite mo lana kakai i leia ake fetuu o le mauga. Na sola fakatavili Tavite, ke sao ia Saulo, talie kua faiga Saulo mo lana kakai ke lotou takatakai Tavite mo lana kakai ke tapo latou.

Uluaki tosi a Samuele 24:2

I le toe liliu mai a Saulo i le oki o le tuli o le kau Filisitini, na au loa, o pati kiate ia : E nofo Tavite i le toafa o Ene-Keti.