Lua tosi o Sau 6:12 - Tosi Tapu

¹² Na tali loa se tasi o ana tagata fakasausau : E leaise tasi ai ! ei sau, loku aliki ; kae ko Eliseo, le polofeta leia i Iselaele, e fakasa ia ki le sau o Iselaele a masau fuli ala e ke fai i lou kogafale moe.

Lua tosi o Sau 6:12 ပူးပေါင်းရင်းမြစ်များ

Lua tosi o Sau 5:26

Kae na pati loa Eliseo kiate ia : Na leaise puli loku laumalie i le temi leia na ifo ai le tagata lena mei lana saliote, o au ke fakafetaulaki mai kiate koe. Pe ko le temi leinei ke too ai ni paaga, mo ni nea lava, o tupu ke totogi ai ni faisaga olive, mo ni faisaga vite, mo ni ovi, mo ni pipi, mo ni tagata fakasausau, ti mo ni fafine fakasausau ?

Lua tosi o Sau 5:3

Na pati loa le ga taine ki lona fafine pule : Oi, kanapau na nofo loa loku aliki i tafa o le polofeta leia e nofo i Samalia, kua fakamauli loa a ia e le polofeta i lona kilia !

Lua tosi o Sau 5:8

I le logo loa a Eliseo, tagata a le Atua, na sae e le sau ona kofu, na kakau loa e ia ke pati ki le sau : Kolea na ke aga ai o sae ou kofu ? Tuku le tagata lena ke au kiate au, ti e iloa loa e ia e i ai se polofeta i Iselaele.

Lua tosi o Sau 6:11

Koia na fitaa lasi loa le loto o le sau o Silia ; ti na kalagai loa e ia ana tagata fakasausau, o pati kia latou : Pe e leaise kotou fia fakasa mai kiate au pe ko ai leia ia tatou e kau mo le sau o Iselaele ?

Lua tosi o Sau 6:13

Ti na pati loa le sau : Kotou ano, o tio pe nofo a ia ifea, ti e kau kakau loa ke too a ia. Na au loa o fakasa ki le sau : Ko leinei, e nofo a ia i Totane.

Ekesote 8:3

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na lotou fakapale foki a kelenui ki le fenua o Esipito.

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Ekelesiasi 10:20

Kae aua na ke lauveli ki le sau, tatau aifai i lou loto, ti aua na ke lauveli ki le tagata mou koloa i le kogafale leia e ke moe ai ; talie e ave loa lou leo e se ga manu lele o le lagi, ti e fakasa loa au masau e leia e maua ni ona kapakau.

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.