Lua tosi o Sau 5:8 - Tosi Tapu

⁸ I le logo loa a Eliseo, tagata a le Atua, na sae e le sau ona kofu, na kakau loa e ia ke pati ki le sau : Kolea na ke aga ai o sae ou kofu ? Tuku le tagata lena ke au kiate au, ti e iloa loa e ia e i ai se polofeta i Iselaele.

Lua tosi o Sau 5:8 ပူးပေါင်းရင်းမြစ်များ

Lua tosi a Samuele 3:31

Na pati loa Tavite kia Soape mo le kakai katoa leia na nofo mo ia : Kotou sae okoutou kofu, kotou tui ni taga ti kotou tagi i mua o Apenele ! Ti na saele loa le sau ko Tavite i muli o le pusa o le mate.

Uluaki tosi o Sau 12:22

Kae na fakasa loa le folafola a le Atua kia Semaesa, tagata a le Atua, o pati :

Uluaki tosi o Sau 17:24

Ti na pati loa le fafine kia Elia : E kau iloa i le lakaga nei ko se tagata a koe a le Atua, ti e maoki le folafola a le Eteleno i lou gutu.

Lua tosi o Sau 1:6

Na lotou tali loa ki le sau : Na pale mai se tagata o fakafelavei mai kia matou, ti na pati mai a ia kia matou : Kotou ano, kotou toe liliu ki le sau leia na kakau mai ia koutou, ti kotou pati kiate ia : Ko leinei le folafola a le Eteleno : Pe leaise Atua i Iselaele leia e ke kakau ai ke ano o afa kia Paale-Sepu ? Koia e leaise ke ifo ai loa mei le palepale lena e ke moe ai, talie e ke mate loa.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Lua tosi o Sau 5:3

Na pati loa le ga taine ki lona fafine pule : Oi, kanapau na nofo loa loku aliki i tafa o le polofeta leia e nofo i Samalia, kua fakamauli loa a ia e le polofeta i lona kilia !

Lua tosi o Sau 5:7

I le oki o lana lau le tosi, na sae loa e le sau o Iselaele ona kofu, o pati : Pe ko le Atua au, ke kau fakamate ia pe ke kau fakamauli ia, ke tupu ai lana pati mai kiate au ke kau fakamauli se tagata mei lona kilia ? Ke kotou iloa ti ke kotou matala e afa e ia se nea ke tupu ai se tokaveli ia maua.

Lua tosi o Sau 5:9

Na ano loa Naamane mo ana osi mo lana saliote, o tuu i le matapa o le fale o Eliseo.

Ekesote 11:8

Ti e ifo mai loa au tagata fakasausau fuli anei kiate au, ti e lotou punou loa ki le kele i oku mua, o pati : Mavae, a koe mo le kakai katoa leia e muli iate koe ! Ka oki loa le nea lena, e kau mavae loa. Ti na mavae loa Moisese mei le fale o Falaone i se ita lasi ai.

Esekiele 2:5

Logo ai pe lotou fakalogo, pe leaise lotou fakalogo, talie ko se famili fakatutuu latou, e lotou iloa loa e i ai se polofeta i lotolotoga o latou.

Oseo 12:13

Na sola loa Sakopo ki le fenua o Alame, Na fakasausau loa Iselaele ke mau sona avaga, Ti na taupau loa e ia a kau manu ke maua sona avaga.

Loma 11:13

E kau fakasa atu kia koutou, kau pagani : i loku uiga ko le apositolo o le kau pagani, e kau fakafiafia i laku gaoi fakaapositolo :

Uluaki tosi a Samuele 9:6

Na pati loa le tagata fakasausau kia Saulo : Ko leinei, e nofo i le kolo leinei se tagata a le Atua, ti ko se tagata logologona a ia ; e soko a nea fuli ala e pati a ia ki ai. Ta ano loa kiate ia, e lagi fakasa mai loa e ia kia taua le ala leia e tonu ke ta too ia.