Lua tosi o Sau 5:25 - Tosi Tapu

²⁵ Ti na ano loa Keasi ki mua o lona pule. Na pati loa Eliseo kiate ia : E ke au meifea Keasi ? Na tali loa a ia : Na leaise ano lau tagata fakasausau ki se ganea.

Lua tosi o Sau 5:25 ပူးပေါင်းရင်းမြစ်များ

Senesi 16:8

Na pati loa a ia : Akale, ko le fafine fakasausau a Salai, e ke au meifea, ti e ke ano kifea ? Na tali loa a ia : E kau sola mamao meia Salai, ko loku aliki fafine.

Senesi 4:9

Na pati loa le Eteleno kia Kaino : Kofea lou taina ko Apele ? Na tali loa a ia : E leaise kau iloa ; pe ko le tagata taupau au o loku taina ?

Lua tosi o Sau 20:14

Na au loa Esaia, le polofeta, ki le sau ko Esekiasi, o pati kiate ia : Kolea le pati a kakai ana, ti na lotou au meifea ? Na tali loa a Esekiasi : Na lotou au mei se fenua mamao, mei Papilone.

Lua tosi o Sau 5:22

Na tali loa Keasi : E malie fai. Kua kakau mai au e loku pule ke kau pati kiate koe : Ko leinei, kua tau mai ki loku kaiga ni tagata tupulaga e toka lua mei le mauga o Efalaimi, i vosa o le kau polofeta ; e kau kole atu kiate koa ke ke soli mai ki laua se fa tenalio paaga e tasi mo ni teu katoa e lua.

Lua tosi o Koloniko 26:19

Na itaita loa Osiasi, leia na too ia se iseso i lona lima. I le lolotoga o lona ita ki le kau tagata faisakilifisio, na mafola loa se kilia i lona lae, i mua o le kau tagata faisakilifisio, i le fale o le Eteleno, ofi ki le aletale o kaloni.

Taagapati 30:20

Ko leinei le ala o le fafine tono tagata : E kai a ia, ti e solosolo e ia lona gutu, Ti pati a ia : Na leaise kau fai se nea e veli.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Mateo 26:21

I le lolotoga o le kai, na pati loa Sesu : E kau pati maoki atu kia koutou, e fakatau loa au e se tasi o koutou.

Soane 13:2

I le lolotoga o le kai afiafi, kua tuku e le temonio ki le loto o Sutasi Isekaliote, vosa o Simone, le manatu ke fakatau a ia,

Uluaki tosi a Samuele 10:14

Na pati loa le taina o le tamana o Saulo kiate ia mo lana tagata fakasausau : Na kolua ano kifea ? Na tali loa a Saulo : Na ma ano o afa a asino fafine ; kae na leaise ma tio kia latou, ti na ma ano loa kia Samuele.