Lua tosi o Sau 5:19 - Tosi Tapu

¹⁹ Na pati loa Eliseo kiate ia : Ano i le tokamalie. Na mavae loa Naamane meia Eliseo, o mamao fakaikiiki atu i le ganea lena.

Lua tosi o Sau 5:19 ပူးပေါင်းရင်းမြစ်များ

Senesi 35:16

Na lotou mavae loa i Petele ; ti na lotou kaku loa ki se ganea na ofi ki Efalata, ti na mamae loa le ganea o Lasele. Na faigataa loa le fanau a Lasele.

Ekesote 4:18

Na ano loa Moisese ; ti na toe liliu loa a ia kia Setelo, lona tamana, ti na pati loa a ia kiate ia : E kau kole atu kiate koe, ke ke tuku mai au ke kau ano o fakafelavei ki oku fetaina ala e nonofo i Esipito, o tio pe koi lotou mauuli. Na pati loa Setelo kia Moisese : Ano i le tokamalie.

Maleko 5:34

Kae na pati loa Sesu kiate ia : Ei loku taine, kua saofaki a koe e lau tui ; ano i le tokamalie, talie kua ke mauli i lou masaki.

Luka 7:50

Kae na pati loa Sesu ki le fafine : Kua fakamauli a koe e lau tui, ano i le tokamalie.

Luka 8:48

Na pati loa Sesu kiate ia : Ei loku taine, kua fakamauli a koe e lau tui ; ano i le tokamalie.

Soane 16:12

Koi lasi ai a nea ala e kau fia fakasa atu kia koutou, kae e leaise mafai ke kotou amo latou i le temi nei.

Uluaki tosi ki le kau Kolinto 3:2

Na kau soli atu kia koutou se sua u, kae leai se nea kai fefeka, talie na leaise kotou ma tatali a ia ; ti e tatau foki i le temi nei, e leaise kotou ma tatali a ia, talie koi kotou fakakanofi.

Uluaki tosi a Samuele 1:17

Na masau loa a Eli, o pati : Ano i le tokamalie, ti ke tali e le Atua o Iselaele lau kole leia kua fai kiate ia !

Uluaki tosi a Samuele 25:35

Ti na too loa e Tavite mei le lima o Apikaile a nea fuli ala na aumai e ia, o pati kiate ia : Pale i le tokamalie ki lou kaiga ; ke ke tio, kua kau fakalogo ki lou leo ti kua kau tali malie a koe.