Lua tosi o Sau 5:18 - Tosi Tapu

¹⁸ Ko leinei fua le nea leia e kau kole ki le Eteleno ke fakamolemole mai ki lau tagata fakasausau. Ka ulu loa loku pule ki le fale o lona atua ko Limoni o tulolo i ai, ti ka falanaki loa a ia ki loku lima, e kau toe tulolo foki i le fale o Limoni. Ke alofa le Eteleno o fakamolemole ki lau tagata fakasausau, mo ka e kau tulolo loa i le fale o Limoni !

Lua tosi o Sau 5:18 ပူးပေါင်းရင်းမြစ်များ

Uluaki tosi o Sau 19:18

Kae e kau tuku loa i Iselaele se kau tagata e tino afe fitu, latou fuli ala na leaise peluki olatou tuli i mua o Paale, ti na leaise sogi olatou gutu kiate ia.

Lua tosi o Sau 17:35

Na fai e le Eteleno se sai mo latou, ti na tuku e ia kia latou le fakatotonu leinei : E leaise kotou i loa ki ni iki ake atua ; e leaise kotou punou loa i olatou mua, e leaise kotou tausi loa kia latou, ti e leaise kotou momoli loa kia latou ni sakilifisio.

Lua tosi o Sau 7:17

Na tuku loa e le sau le taupau o le matapa ki le ofisa leia na fanaki ki ai lona lima ; kae na takatakafi loa le ofisa lena i le matapa e le kakai, ti na mate ai loa a ia, o mulimuli ki le folafola leia na fakasa e le tagata a le Atua i le aso leia na ifo ake ai le sau kiate ia.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Numelo 21:15

ti mo magai liua makeke, ala e tafe ki le fetuu o Ali, o tau ki le koiga o Moape.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.