Lua tosi o Sau 5:15 - Tosi Tapu

¹⁵ Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Lua tosi o Sau 5:15 ပူးပေါင်းရင်းမြစ်များ

Senesi 33:11

Koia tali ai laku moliga kua fai atu kiate koe, talie kua fakaapele au e le Atua ki ona kalasia, ti e leaise nea fua e puli kiate au. I le kole fakamakeke a Sakopo kia Esau, na tali loa e Esau lana kole.

Uluaki tosi o Sau 13:7

Na pati loa le sau ki le tagata a le Atua : ulu mo au ki fale, ti ke kai mua, ti e kau soli atu loa kiate koe se nea alofa.

Uluaki tosi o Sau 18:36

I le temi leia na momoli ai loa le failaulau, na tuu loa Elia, le polofeta, i mua, o pati : Eteleno, le Atua o Apalaamo, mo Isaake, mo Iselaele ! ke iloa i le aso nei ko koe e Atua i Iselaele, ti ko au ko lau tagata fakasausau, ti na kau fai a nea fuli anei o mulimuli ki lau folafola !

Lua tosi o Sau 19:15

ti na fai loa e ia le kole leinei kiate ia : Eteleno, Atua o Iselaele, leia e ekeeke i aluga o selupino ! Ko le Atua a koe e tasi i puleaga fuli o le kele, ko koe leia na fai ia le lagi mo le kele.

Lua tosi o Sau 19:19

I le lakaga nei, Eteleno, lomatou Atua ! saofaki matou mei le lima o Sanekelipe, ti ke iloa e puleaga fuli o le kele, ko koe toka tasi ko le Atua, ei Eteleno !

Lua tosi o Sau 5:8

I le logo loa a Eliseo, tagata a le Atua, na sae e le sau ona kofu, na kakau loa e ia ke pati ki le sau : Kolea na ke aga ai o sae ou kofu ? Tuku le tagata lena ke au kiate au, ti e iloa loa e ia e i ai se polofeta i Iselaele.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 45:6

E tupu ke iloa mei le sopoaga o le laa o kaku ki le galoaga o le laa, E leaise tasi ake Atua iate au : Ko au ko le Eteleno, ti e leaise tasi ake.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Loma 10:10

Talie i le tui i le loto e kaku ai ki le faitotonu, ti i le fakasa i le gutu e kaku ai ki le mauli, ofaipe lona fakasa e le Tosi :

Lua tosi ki le kau Kolinto 9:5

Koia na kau manatu ai e aoga ke kole ki fetaina ke muamua atu kia koutou, o tanaki lokotou nea alofa, leia na kotou tomua fakapapau ki ai, o tupu ke tokamalie a ia, ti ke fai a ia pe se alofa maoki, kae leaise pe se fulupipiki.

Sosue 9:24

Na tali loa le kau Kapaone kia Sosue, o pati : Kua logo au tagata fakasausau ki fakatotonu a le Eteleno, lou Atua, ki lana tagata fakasausau ko Moisese, ke soli kia koutou le fenua katoa leinei, ti ke tamate ona kakai fuli i mua o koutou, ti na motou i lasi loa kia koutou ti na matou loto gaegae loa o uiga mo omatou mauli : ko le tupuaga a ia o lamatou fai le puleaki lena.

Sosue 9:9

Na lotou tali loa kiate ia : e au au tagata fakasausau mei se fenua mamao ai i le logo ki le logologona o le Eteleno lou Atua ; talie na motou logo masau kiate ia, ki nea fuli ala na fai e ia i Esipito,

Uluaki tosi a Samuele 25:27

Ke ke tali le nea alofa leinei e aumai e lau fafine fakasausau ki loku aliki, ti ke tufa a nea ana ki le kakai leia e muli i loku aliki.

Uluaki tosi a Samuele 9:7

Na pati loa Saulo ki lana tagata fakasausau : Ti kapau e ta ano kiate ia, kolea le nea leia ke ta ave loa ki le tagata a le Atua ! Talie e leaise koi maua se nea kai i ata taga, ti e leaise ta maua se maukava ke soli ki le tagata a le Atua. Kolea e ta maua ?