Lua tosi o Sau 4:38 - Tosi Tapu

³⁸ Na toe au loa Eliseo ki Kilikale, ti na i ai se oge i le fenua. Na tonatona loa a vosa o le kau polofeta i ona mua, ti na pati loa a Eliseo ki lana tagata fakasausau : fakatuu le fa kulo lasi ti ke fakamoso se supa ki vosa o le kau polofeta.

Lua tosi o Sau 4:38 ပူးပေါင်းရင်းမြစ်များ

Senesi 25:29

I se aso leia na fai ai e Sakopo se supa, na ifo ake loa Esau mei le vao kua gaegae ai.

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Lua tosi o Sau 2:1

I le temi leia na too ake ai loa Elia ke ave ki lagi e le Eteleno i se asesio, na ano Elia mei Kilikale mo Eliseo.

Lua tosi o Sau 2:3

Na au loa kia Eliseo a vosa o le kau polofeta ala na nonofo i Petele, o pati kiate ia : Pe ke iloa e ave loa e le Eteleno lou pule mei lou fa ulu i le aso nei ? Ti na tali loa Eliseo : E kau iloa a ia ; kotou fakalologo.

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Lua tosi o Sau 4:39

Na ano loa se tasi i vosa o le kau polofeta ki faisaga, o tuuti mai ni lau laakau ; na maua loa e ia se vite vao ti na tau loa e ia i ai ni fuai kolokate vao o taga ki lona kofu. I lana toe liliu mai ki fale, na tutuuti loa e ia a fuai laakau ki le fa kulo leia kua fai ai le supa, talie na leaise iloa e se tasi pe koa a fuai laakau.

Lua tosi o Sau 8:1

Na pati loa Eliseo ki le fafine leia na fakamauli e ia lona tama : Tuu ki aluga, ti ke ano, a koe mo lou fale, ti ke nofo i se ganea leia e mafai ke ke nofo ai ; talie kua kakau mai e le Eteleno le oge ki le fenua o Iselaele i fetuu e fitu.

Sopo 30:4

E lotou afa ni mutie konakona i tafa o ganea vaoa, Ti ko lalatou pane ko aka o le sene.

Taagapati 8:34

Manuia le tagata leia e fakalogo mai kiate au, Leia e talitali i aso fuli i oku matapa, Ti e taupau ia ona pou !

Esekiele 11:3

E lotou pati : E leaise ko le temi leinei ke tou fau ai i leinei ni fale ! Ko le kolo ko le fa kulo, ti ko tatou ko ni inati.

Esekiele 11:7

Koia e folafola ai le Aliki, le Eteleno, o pati : Ko okoutou mate ala na kotou laku i loto malie o le kolo Ko le inati latou, ti ko le kolo, ko le kulo a ia ; Kae ko koutou, e fakamavae loa koutou i ai.

Esekiele 14:13

Vosa o le tagata, kapau kua agasala mai kiate au se fenua, o tausi ki taulaatua, ti kapau na kau falo loku lima kiate ia, ti kapau na kau fatii le laakau o le pane kiate ia, ti kapau na kau kakau le oge kiate ia, ti kapau na kau tuuti iate ia a tagata mo manu,

Esekiele 24:3

Ke tuku se folafola fakatata ki le famili o le kau agatuu, o ke pati kia latou : E folafola le Aliki, le Eteleno, o pati : Fakatuu, fakatuu le fa kulo, ti liligi se vai ki loto.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Amosi 7:14

Ti na tali loa Amosi kia Amatesia : E leaise ko se polofeta au, pe ko se vosa au o se polofeta ; kae ko se tagata tausi manu au, ti e kau to ia ni sikomole.

Maleko 6:37

Na tali loa Sesu kia latou : Kotou soli e koutou totonu kia latou se nea ke kai. Kae na lotou pati loa kiate ia : Pe motou ano loa o totogi mai ni pane ki ni fa tenalio e kau lelau lua, ti motou soli loa kia latou ke kai ?

Luka 10:39

Ti na i ai sona taina, na igoa ko Malia, leia na tonatona i vae o le Aliki, o fakalogo ki lana folafola.

Luka 2:46

I le sili o aso e tolu, na la maua loa a ia i le fale tapu, na tonatona i loto malie o le kau toketa o le lao, o fakalogo kia latou ti mo fai vesili kia latou.

Luka 4:25

E kau fakasa maoki atu kia koutou, na toka api a fafine lokonui i Iselaele i le temi o Elia, i le lakaga leia na mapono ai le lagi i fetuu e tolu mo masina e ono ti na to ai se oge lasi i le fenua katoa ;

Luka 8:35

Ti na ano loa a kakai o tio ki le nea leia na soko. Na lotou kaku loa kia Sesu, ti na lotou maua loa le tagata leia na mavae ai le kau temonio, kua tonatona i ona vae, kua kofu, ti kua toe malama foki lona fakakaukau. Ti na lotou i lasi loa.

Luka 8:38

Ko le tagata leia na mavae ai le kau temonio, na kole ake loa kia Sesu ke fakataga ake ke nofo a ia mo ia. Kae na kakau loa a ia e Sesu, o pati :

Luka 9:13

Na pati loa Sesu kia latou : Soli e koutou totonu kia latou se nea ke kai. Kae na lotou tali loa : E motou maua fai ni fa pane e lima mo ni ga ika e lua. Pe ke loto ke motou ano o totogi mai ni nea kai ki le kakai fuli leinei !

Soane 21:5

Na pati loa Sesu kia latou : Fanau, pe leaise kotou maua se nea ke kai ? Na lotou tali loa kiate ia : Leai.

Soane 21:9

I lalatou kaku ki uta, na lotou tio loa i ai ki ni malala kaka, mo ni ika kua tunu i aluga, ti mo ni fa pane.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 15:36

Ti na sili ki ai ni iki a aso, na pati loa Paulo kia Palenapa : Ta toe liliu mua o fakatele ki fetaina i kolo fuli ala na ta fakasa ai le folafola a le Aliki, ke ta iloa lolatou anoaga.

Gaoi 22:3

E kau Sutea, ti na kau tupu i Talese i Silisia ; kae na kau lasi ake i le kolo leinei, ti na kau ako i vae o Kamaliele i le maoki katoa o le lao o tatou tamana, ti na kau apele i le alofa ki le Atua ofaipe koutou fuli i le aso nei.

Uluaki tosi a Samuele 19:20

Na kakau loa e Saulo ni tagata avelogo ke ano o tapo Tavite. Na lotou tio loa ki se kau polofeta na lolotoga masau fakakikite, ti na taki latou e Samuele. Na ulu loa le Laumalie o le Atua ki tagata avelogo a Saulo, ti na lotou folafola fakakikite loa mo latou foki.