Lua tosi o Sau 4:37 - Tosi Tapu

³⁷ Na ano loa le fafine Sunami, o punou i vae o Eliseo o kaku ki le kele. Ti na too loa e ia lona tama, o ulu ki fafo.

Lua tosi o Sau 4:37 ပူးပေါင်းရင်းမြစ်များ

Senesi 48:12

Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Uluaki tosi o Sau 17:24

Ti na pati loa le fafine kia Elia : E kau iloa i le lakaga nei ko se tagata a koe a le Atua, ti e maoki le folafola a le Eteleno i lou gutu.

Lua tosi o Sau 2:15

I le tio loa a vosa o le kau polofeta, ala na nonofo i Seliko ti na tutuu mei mamao, ki le nea leia na fai e Eliseo, na lotou pati loa : Kua ifo le laumalie o Elia kia Eliseo ! Ti na lotou au loa o fakafelavei kia Eliseo, o punou olatou ulu ki le kele i ona mua.

Lua tosi o Sau 4:27

Kae i lana kaku loa ki le tagata a le Atua i le mauga, na sogi loa le fafine ki vae o le polofeta. Na fakafeofi ake loa Keasi ke tekei kese le fafine. Kae na pati loa le tagata a le Atua : Tuku a ia talie kua mamae lona loto iate ia, ti kua fufu mai a ia e le Eteleno kiate au, o leaise fakasa mai a ia kiate au.

Lua tosi o Sau 4:36

Na kalagai loa e Eliseo a Keasi, o pati : Kalagai le fafine Sunami ke au. Ti na kalagai loa a ia e Keasi, ti na ano loa a ia kia Eliseo, leia na pati loa kiate ia : Too lou tama !

Epelo 11:35

Na toe maua loa e ni fafine olatou mate i le toe tuuake ; Ti na fakavelivelii loa ni iki, o leaise lotou tali loa se saofaki, o tupu ke maua se toe tuuake leia e malie tukupau ake ;