Lua tosi o Sau 4:35 - Tosi Tapu

³⁵ Na toe ifo loa Eliseo, o feanoaki i le kogafale, ti na toe pale a ia o moe ki le toe. Ti na mafatua loa le toe o tua fitu, ti na fakamavaa loa e ia ona mata.

Lua tosi o Sau 4:35 ပူးပေါင်းရင်းမြစ်များ

Uluaki tosi o Sau 17:21

Ti na moe fakapulou loa Elia o tua tolu ki le toe, ti na tagi loa a ia ki le Eteleno, o pati : Eteleno, loku Atua, e kau kole atu kiate koe, ke toe liliu mai le laumalie o le fanau leinei kiate ia !

Uluaki tosi o Sau 17:22

Na fakalogo loa le Eteleno ki le leo o Elia, ti na toe liliu loa le laumalie o le toe kiate ia, ti na toe mauli loa a ia.

Uluaki tosi o Sau 18:43

ti na pati loa a ia ki lana tagata fakasausau : Pale, o tio ki le fetuu o le tai. Na pale loa le tagata fakasausau o tio, ti na pati loa a ia : E leaise nea. Na pati loa Elia kiate ia o tua fitu : Toe liliu, o tio.

Lua tosi o Sau 13:21

Ti na soko loa i le temi leia na tanu ai se mate, ko leinei, na tio loa ki se kau solia o le solia a Moape, ti na ti loa le mate ki le tanuma o Eliseo. Na ano loa le mate o lave ki ivi o Eliseo, ti na toe mauli loa a ia, o tuu ki aluga i ona vae.

Lua tosi o Sau 4:36

Na kalagai loa e Eliseo a Keasi, o pati : Kalagai le fafine Sunami ke au. Ti na kalagai loa a ia e Keasi, ti na ano loa a ia kia Eliseo, leia na pati loa kiate ia : Too lou tama !

Lua tosi o Sau 5:10

Na kakau loa e Eliseo ke pati kiate ia : Ano, ti ke uku tua fitu i le Solotane ; e toe malie loa lou tino ti e ke mea loa.

Lua tosi o Sau 5:14

Na ifo loa Naamane, o uku tua fitu i le Solotane, o mulimuli ki le folafola a le tagata a le Atua ; ti na liliu loa lona kili ofaipe se kili o se ga toe memea, ti na mea loa a ia.

Lua tosi o Sau 8:1

Na pati loa Eliseo ki le fafine leia na fakamauli e ia lona tama : Tuu ki aluga, ti ke ano, a koe mo lou fale, ti ke nofo i se ganea leia e mafai ke ke nofo ai ; talie kua kakau mai e le Eteleno le oge ki le fenua o Iselaele i fetuu e fitu.

Lua tosi o Sau 8:5

Ti na lolotoga fakamatala loa e Keasi ki le sau le fakamauli e Eliseo se tasi na mate, ko leinei, na tau ake le fafine leia na fakamauli lona toe e Eliseo, ke kole ki le sau ke tuku ake lona fale mo lona kele. Na pati loa Keasi : Ei sau, loku aliki, ko leinei le fafine, ti ko leinei mo lona tama leia na fakamauli e Eliseo.

Luka 8:55

Ti na toe au loa lona laumalie kiate ia, ti na tuu loa a ia ki aluga i le lakaga fai lena ; ti na fakatotonu loa e Sesu ke soli kiate ia se nea ke kai.

Gaoi 9:40

Ti na fakamavae loa e Petelo le kakai katoa ki fafo, ti na tuutuli loa a ia o faikole ; ti na maliu loa a ia ki le mate, o pati : Tapita, tuu ki aluga ! Ti na fakamavaa loa e ia ona mata, ti i lana tio kia Petelo, na tonatona loa a ia.