Lua tosi o Sau 4:31 - Tosi Tapu

³¹ Na muamua loa Keasi ia laua, ti na teki loa e ia le tokotoko ki mata o le toe ; kae na leai se leo pe ko se taugaoi. Na toe liliu loa Keasi o fakafetaulaki kia Eliseo, o fakamatala kiate ia le nea, o pati : Na leaise ala ake le toe.

Lua tosi o Sau 4:31 ပူးပေါင်းရင်းမြစ်များ

Uluaki tosi o Sau 18:26

Na lotou too loa le pipi tagata leia na soli loa kia latou, o lotou teuteui loa a ia ; ti na lotou kalaga loa ki le igoa o Paale, mei le usu o kaku ki le lalatea, o pati : Paale, tali mai kia matou ! Kae na leaise logo loa ki se leo, pe tali mai loa se tasi. Ti na lotou soposopo loa i mua o le aletale leia na lotou fai.

Uluaki tosi o Sau 18:29

I le sili loa o le lalatea, na lotou folafola fakakikite loa o kaku ki le lakaga leia e momoli ai le failaulau. Kae na leaise logo fua ki se leo, mo se tali, ti mo se fakamailoga.

Lua tosi o Sau 4:32

I le kaku a Eliseo ki fale, ko leinei, kua mate le toe, ti kua tuku a ia i lona palepale.

Lua tosi o Sau 5:20

Ka na pati loa Keasi, tagata fakasausau a Eliseo, tagata a le Atua, i lona loto : Ko leinei, na leaise tali e loku pule se nea i nea alofa meia Naamane, le tagata Silia ; e mauli le Eteleno ! ka kau makape loa i ona muli, ti e kau maua loa se nea meiate ia.

Lua tosi o Sau 8:1

Na pati loa Eliseo ki le fafine leia na fakamauli e ia lona tama : Tuu ki aluga, ti ke ano, a koe mo lou fale, ti ke nofo i se ganea leia e mafai ke ke nofo ai ; talie kua kakau mai e le Eteleno le oge ki le fenua o Iselaele i fetuu e fitu.

Sopo 14:12

E fenaaki le tagata, e moe a ia ki lalo ti e leaise toe tuu ale loa a ia ki aluga ; E leaise toe ala ake loa a ia o kaku ki le puli o le lagi i aluga, Ti e leaise toe tuu ake loa a ia i lana moe.

Esekiele 14:3

Vosa o le tagata, kua amo e le kau tagata lena olatou taulaatua i olatou loto, ti kua pipiki olatou mata ki le nea leia na fakavilo ia latou ki le veli. Pe e kau tuku loa ke lotou afa mai se nea kiate au ?

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Maleko 5:39

Na ulu loa Sesu o pati kia latou : Kolea e kotou logoa ai, ti kolea e kotou fetagisi ai ? E leaise mate le toe, kae e moe a ia.

Soane 11:11

I le oki o folafola ana, na pati loa a ia kia latou : Ko lotatou kaukau nea ko Lasalo e moe ; kae kau ano nei o fafagu a ia.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Uluaki tosi a Samuele 14:37

Ti na afa loa e Saulo le finegalo o le Atua : Pe kau tuli loa le kau Filisitini ? Pe ke tuku loa latou ki lima o Iselaele ? Kae i le lakaga lena na leaise tuku fua e ia se tali kia Saulo.

Uluaki tosi a Samuele 28:6

Na afa loa e Saulo le finegalo o le Eteleno ; kae na leaise tali fua le Eteleno kiate ia, pe i ni moe miti, pe i le ulimi, pe i le kau polofeta.