Lua tosi o Sau 4:22 - Tosi Tapu

²² Na kalagai loa e ia lona avaga, o pati : E kau kole atu ke ke kakau mai se tasi i tagata fakasausau mo se asino ; e kau fia ano fakatavili ki le tagata a le Atua, ti e kau toe liliu mai loa.

Lua tosi o Sau 4:22 ပူးပေါင်းရင်းမြစ်များ

Lua tosi o Sau 4:21

Na ave loa e le fafine le toe ki le ga kogafale taualuga, o fakamoe a ia ki le palepale o le tagata a le Atua, ti na tapono loa e ia le matapa, kae ano loa a ia.

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Lua tosi o Sau 4:24

Ti na kakau loa e le fafine ke teuteui le asino fafine, ti na pati loa a ia ki lana tagata fakasausau : Taki le asino, o ke saele i mua, ti ke aua na ke toe tuu loa i se ganea i le ala, kae na leaise kau pati atu.

Lua tosi o Sau 4:26

Ke ke makape nei o fakafelavei kiate ia, ti ke vesili kiate ia : Pe ke malie fai ? Pe malie lou avaga mo lau fanau ? Na tali loa le fafine : E malie fai.

Soane 11:3

Na kakau loa e le tautaina ke pati kia Sesu : Aliki, tio, ko leia e ke alofa ki ai e masaki.

Gaoi 9:38

Kae na ofi a Lita ki Sope, ti i le iloa loa e le kau tisipulo kua nofo Petelo i ai, na lotou kakau loa ni tagata e toka lua kiate ia, o kole kiate ia ke au vave mua kia latou.