Lua tosi o Sau 4:21 - Tosi Tapu

²¹ Na ave loa e le fafine le toe ki le ga kogafale taualuga, o fakamoe a ia ki le palepale o le tagata a le Atua, ti na tapono loa e ia le matapa, kae ano loa a ia.

Lua tosi o Sau 4:21 ပူးပေါင်းရင်းမြစ်များ

Uluaki tosi o Sau 17:19

Na tali loa Elia kiate ia : Tuku mai kiate au lou tama. Ti na too loa a ia e Elia mei le fatafata o le fafine, o paleaki ki le kogafale leia na nofo ai a ia i le lau fata, ti na fakamoe loa e ia le toe ki lona palepale.

Lua tosi o Sau 4:10

Ke ta fai kiate ia se ga kogafale i aluga o le fale ti ke ta tuku ki ai se palepale, mo se laupapa, mo se ekeekeaga, ti mo se fa malama, o tupu ke ano a ia ki ai mo ka au loa a ia ki lota kaiga.

Lua tosi o Sau 4:20

Na ave loa e le tagata fakasausau le toe ki lona tinana. Ti na sapai loa a ia e lona tinana i ona vae o kaku ki le lalatea, ti na mate loa le toe.

Lua tosi o Sau 4:22

Na kalagai loa e ia lona avaga, o pati : E kau kole atu ke ke kakau mai se tasi i tagata fakasausau mo se asino ; e kau fia ano fakatavili ki le tagata a le Atua, ti e kau toe liliu mai loa.

Lua tosi o Sau 4:32

I le kaku a Eliseo ki fale, ko leinei, kua mate le toe, ti kua tuku a ia i lona palepale.

Lua tosi o Sau 4:7

Na ano loa le fafine o fakamatala ki le tagata a le Atua, ti na pati loa Eliseo : Ano, o fakatau le lolo, ti ke ui lou maua ; ti e ke mauli loa, a koe mo au fanau, i le nea leia e toe loa.