Lua tosi o Sau 4:13 - Tosi Tapu

¹³ Ti na pati loa Eliseo kia Keasi : Pati ki le fafine : Kua lasi ai lou pakia kia maua, kolea le nea leia e mafai ke ma aga o fai kiate koe ? Pe tonu ke ma masau o uiga mo koe ki le sau pe ki le pule o le solia ? Na tali loa le fafine : E kau nofo i loto malie o loku kakai, e leaise nea e aoga kiate au.

Lua tosi o Sau 4:13 ပူးပေါင်းရင်းမြစ်များ

Senesi 14:24

Kae gato fua ki le nea leia na kai e le kau tupulaga, ti mo le vaega o tagata ala na ano mo au, Anele, mo Esekoli, mo Mamele : ko latou ana e too ia loa olatou vaega.

Lua tosi a Samuele 19:13

E kotou toe pati loa kia Amasa : Pe leaise ko loku ivi mo loku kanofi a koe, ke tautea au e le Atua i lona makeke katoa mo kapau e leaise ke liliu i oku mua ko le pule o le solia, o fetogi Soape, o lee gato !

Uluaki tosi o Sau 2:32

Kua fakavilo e le Eteleno lona toto ki lona fa ulu, talie na tamate e ia a tagata e lua ala na agatonu ake mo malilie ake iate ia, ti na tamate e ia laua ki le seleta, kae na leaise iloa fua e loku tamana ko Tavite : Ko Apenele, vosa o Nele, pule o le solia o Iselaele, ti mo Amasa, vosa o Setelo, pule o le solia o Suta.

Lua tosi o Sau 4:12

Na pati loa a ia kia Keasi, lana tagata fakasausau : Kalagai mai le fafine Sunami. Na kalagai loa a ia e Keasi, ti na ano loa le fafine o tuu i mua o le ga kogafale.

Lua tosi o Sau 4:14

Ti na pati loa Eliseo kia Keasi : Kolea loa le nea ke fai kiate ia ? Na tali loa Keasi : E leai sana fanau ti kua matua lona avaga.

Lua tosi o Sau 8:1

Na pati loa Eliseo ki le fafine leia na fakamauli e ia lona tama : Tuu ki aluga, ti ke ano, a koe mo lou fale, ti ke nofo i se ganea leia e mafai ke ke nofo ai ; talie kua kakau mai e le Eteleno le oge ki le fenua o Iselaele i fetuu e fitu.

Lua tosi o Sau 9:5

I lana kaku atu ki ai, ko leinei, na tonatona a pule o le solia. Na pati loa le polofeta : Pule, e kau fia masau kiate koe. Ti na tali loa a Seu : Kiate ai ia matou fuli nei ? Na tali loa le polofeta : kiate koe, pule.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Loma 16:2

o tupu ke kotou fakatalitali a ia i le Aliki, i se fakatalitali leia e gali mo le kau sagato, ti ke kotou tokoi kiate ia i nea ala e kotou aoga ai loa kiate ia, talie na tokoi a ia ki se toka api ti mo au totonu foki.

Loma 16:6

Avake oku alofa kia Malia, leia na lasi ai lana gaoi kia koutou.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.