Lua tosi o Sau 4:12 - Tosi Tapu

¹² Na pati loa a ia kia Keasi, lana tagata fakasausau : Kalagai mai le fafine Sunami. Na kalagai loa a ia e Keasi, ti na ano loa le fafine o tuu i mua o le ga kogafale.

Lua tosi o Sau 4:12 ပူးပေါင်းရင်းမြစ်များ

Uluaki tosi o Sau 18:43

ti na pati loa a ia ki lana tagata fakasausau : Pale, o tio ki le fetuu o le tai. Na pale loa le tagata fakasausau o tio, ti na pati loa a ia : E leaise nea. Na pati loa Elia kiate ia o tua fitu : Toe liliu, o tio.

Uluaki tosi o Sau 19:3

I le logo loa a Elia ki le nea lena, na tuu ake loa a ia ki aluga o sola ke saofaki lona mauli. Na kaku loa a ia ki Peele-Sepa, leia e kau ki Suta, ti na tuku loa e ia i ai lana tagata fakasausau.

Lua tosi o Sau 3:11

Kae na pati loa Sosafate : Pe e leaise maua i leinei se polofeta a le Eteleno, leia e feala ai ke tou iloa le finegalo o le Eteleno ? Na tali loa se tasi o tagata fakasausau a le sau o Iselaele : E nofo i leinei Eliseo, vosa o Safate, leia na liligi ia le vai ki lima o Elia.

Lua tosi o Sau 4:11

I se tasi a aso, na toe au loa Eliseo ki Sunami, ti na ano loa a ia o moe i le kogafale taualuga.

Lua tosi o Sau 4:13

Ti na pati loa Eliseo kia Keasi : Pati ki le fafine : Kua lasi ai lou pakia kia maua, kolea le nea leia e mafai ke ma aga o fai kiate koe ? Pe tonu ke ma masau o uiga mo koe ki le sau pe ki le pule o le solia ? Na tali loa le fafine : E kau nofo i loto malie o loku kakai, e leaise nea e aoga kiate au.

Gaoi 13:5

I lala kaku ki Salamina, na la fakasa loa le folafola a le Atua i sinakoka o le kau Sutea. Na tokoi loa Soane kia laua.