Lua tosi o Sau 3:25 - Tosi Tapu

²⁵ Na lotou maumaui loa a kolo, na lotou laku loa ni fatu o tanumia ai a faisaga malilie fuli, na lotou tanu loa a matapuna vai fuli, ti na lotou sele loa a laakau malilie fuli ; ti na takatakai loa e le kau fai makamaka le kolo ko Kile-Aleseti, o taui, kae na lotou tuku loa ona fatu.

Lua tosi o Sau 3:25 ပူးပေါင်းရင်းမြစ်များ

Senesi 26:15

Ko sosoni fuli ala na kenu e tagata fakasausau o lona tamana, i le temi o Apalaamo, lona tamana, na tapono loa e le kau Filisitini, o lotou fakaapele latou ki le kele.

Senesi 26:18

Na toe kenu loa e Isaake a sosoni ala na kenu i le temi o lona tamana ko Apalaamo, ti na tapono loa e le kau Filisitini i le oki o le mate o Apalaamo ; ti na toe soli loa e ia ki sosoni a igoa ala na soli e lona tamana.

Lua tosi a Samuele 8:2

Na taai foki e ia le kau Moape, ti na fakamomoe loa e ia latou ki le kele, kae fuafua loa e ia latou ki se maea ; ti na fuafua loa e ia ki le maea o tua lua ke tamate, kae na fuafua loa e ia ki le maea o tua tasi ke fakamauli. Ti na popula loa le kau Moape kia Tavite, o lotou totogi loa kiate ia se tukusau.

Lua tosi o Sau 3:19

e kotou maumaui loa a kolo tau fuli mo fulumalilie, e kotou tutuuti loa a laakau malilie fuli, e kotou tapotapono loa a matapuna vai fuli, ti e kotou tanu loa ki ni fatu a faisaga malilie fuli.

Lua tosi o Sau 3:24

Na lotou saele loa ki le nofoaga o Iselaele. Kae na tuu ake loa Iselaele ki aluga, o tamate Moape, leia na sola loa i olatou mua. Na lotou ulu loa ki le fenua, ti na lotou tamate loa Moape.

Lua tosi o Sau 3:26

I le tio loa a le sau o Moape kua gaegae a ia i le tau, na too loa e ia ni kau tagata tau seleta e tino lelau fitu, o faiga ke kaku ki le sau o Etome, kae na leaise mafai.

Lua tosi o Koloniko 32:4

Na fakatasi loa se kakai toka api, ti na lotou tanu loa a matapuna vai fuli mo le liua leia e tafe i le fenua. Na lotou pati : Kolea e maua ai loa e le sau o Asilia mo lana solia se vai lasi i le aso leia e lotou tau mai ai ki leinei ?

Esaia 15:1

Folafola ki Moape. I le po totonu leia na maumaui ai Moape, Na toe maumaui ai foki Ale-Moape ! I le po totonu leia na maumaui ai Moape, Na toe maumaui ai foki Kile-Moape !…

Esaia 16:11

Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Esaia 16:7

Koia kua tagi laulau ai Moape ki Moape, ti kua tagi laulau nea fuli. Kua kotou fetagisi i le maumaui o Kile-Aleseti, Leia na taai fakaveliveli ki lalo.

Selemia 48:31

Koia leia e kau tagi ai kia Moape, E kau tagi kia Moape katoa ; E kau tagi ki le kakai o Kile-Elesi.

Selemia 48:36

Koia e tagi ai loku loto ofaipe se fulute ki Moape, E tagi loku loto ofaipe se fulute ki le kakai o Kile-Elesi, O tupu kua pupuli a koloa fuli ala na lotou tanaki.

Tetelonome 2:9

Na pati mai loa le Eteleno kiate au : Ke aua na ke fai ia loa se nea veli kia Moape, ti ke aua na ke taui loa a ia, talie e leaise kau soli loa kiate koe se nea fua e tasi i lona fenua. Talie, ko fanau o Lote ala kua kau soli ki ai le fenua o Ale.

Tuifakamaau 9:45

Na taui loa e Apimeleke le kolo i le aso katoa ; ti na too loa e ia le kolo, ti na tamate loa e ia le kakai fuli leia na nofo i ai. Na maumaui loa e ia le kolo ti na laku loa e ia ki ai se patai.