Lua tosi o Sau 3:19 - Tosi Tapu

¹⁹ e kotou maumaui loa a kolo tau fuli mo fulumalilie, e kotou tutuuti loa a laakau malilie fuli, e kotou tapotapono loa a matapuna vai fuli, ti e kotou tanu loa ki ni fatu a faisaga malilie fuli.

Lua tosi o Sau 3:19 ပူးပေါင်းရင်းမြစ်များ

Senesi 21:19

Ti na fakamavaa loa e le Atua ona mata, ti na tio loa a ia ki se sosoni vai ; na ano loa a ia o fakaapele le fagu vai, o fakainu ai le toe.

Lua tosi o Sau 13:17

o pati : Fakamavaa le katupa ki le potu esite, ti na fakamavaa loa e ia le katupa. Na pati loa Eliseo : Kaloloi. Ti na kaloloi loa e ia. Na pati loa Eliseo : Ko se gasau lena o le fakamauli a le Eteleno, ko se gasau o le fakamauli mei le kau Silia ; e ke malo loa i le kau Silia i Afeke, e ke tamate loa latou.

Lua tosi o Sau 3:25

Na lotou maumaui loa a kolo, na lotou laku loa ni fatu o tanumia ai a faisaga malilie fuli, na lotou tanu loa a matapuna vai fuli, ti na lotou sele loa a laakau malilie fuli ; ti na takatakai loa e le kau fai makamaka le kolo ko Kile-Aleseti, o taui, kae na lotou tuku loa ona fatu.

Numelo 24:17

E kau tio ki ai, kae e leai nei ; E kau tio ki ai, kae koi mamao : E ulu se fetuu meia Sakopo, E malaga se sau i Iselaele. E taai e ia a vakavaka o Moape, Ti e tamate e ia a vosa fuli o Seti.

Tuifakamaau 6:16

Na pati loa le Eteleno kiate ia : Kae e kau nofo loa mo koe ti e ke tamate loa Matiane ofaipe se tagata e tasi.

Uluaki tosi a Samuele 15:3

Ano i le temi nei, o taai Amaleke, ti ke kotou maumaui loa ana nea fuli ; ke aua na ke fakamauli loa a ia, ti ke ke tamate loa a tagata mo fafine, a fanau mo toe memea, a pipi mo ovi, a kamelo mo asino.

Uluaki tosi a Samuele 23:2

Na afa loa e Tavite le finegalo o le Eteleno, o pati : Pe tonu ke kau ano, o taui le kau Filisitini ? Ti na tali loa le Eteleno kiate ia : Ano, o taui le kau Filisitini, ti e ke saofaki loa Keila.