Lua tosi o Sau 3:18 - Tosi Tapu

¹⁸ Kae ko se nea noa lena ki mata o le Eteleno. E tuku atu loa e ia Moape ki okoutou lima ;

Lua tosi o Sau 3:18 ပူးပေါင်းရင်းမြစ်များ

Lua tosi a Samuele 7:19

Ti e leikiaise feauga aifai le nea lena ki ou mata, ei Aliki Eteleno ; talie kua ke toe masau foki ki le fale o lau tagata fakasausau ki temi ki muli. Ti kua ke finegalo ke fakasa a nea ana ki se tagata, ei Aliki Eteleno !

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Uluaki tosi o Sau 20:13

Kae ko leinei, na fakafeofi ake loa se polofeta kia Akapo, sau o Iselaele, o pati kiate ia : Ko leinei le folafola a le Eteleno : Pe kua ke tio ki le kakai api lena ? E kau tuku atu loa latou ki ou lima i le aso nei, ti e ke iloa loa ko au ko le Eteleno.

Uluaki tosi o Sau 20:21

Na ulu ake loa le sau o Iselaele, o taai le kau osi mo saliote, ti na tamate fakaveliveli loa e ia le kau Silia.

Uluaki tosi o Sau 20:28

Na fakafeofi ake loa le tagata a le Atua, o pati ki le sau o Iselaele : Ko leinei le folafola a le Eteleno : Talie kua pati le kau Silia : Ko le Eteleno ko se atua o mauga kae e leaise ko se atua o potu laumalie, e kau tuku loa le kakai toka api lena ki ou lima, ti e kotou iloa loa ko au ko le Eteleno.

Uluaki tosi o Sau 3:13

E kau toe soli atu loa kiate koe le nea leia na leaise ke kole ki ai, a koloa mo le kololia ; koia e leaise maua loa i le temi katoa o lou mauli se sau leia ke tatau loa mo koe.

Lua tosi o Sau 20:10

Na tali loa Esekiasi : Ko le nea noa ke ano le malu ki mua i ni fa takakega e kau agafulu.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 7:13

Ti na pati loa Esaia : Kotou fakalogo mai, fale o Tavite ! Pe ko se nea noa kia koutou ke kotou fakafiu le kataki o tagata, Ke kotou toe fakafiu ia foki le kataki o loku Atua ?

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Esekiele 8:17

Ti na pati mai loa a ia kiate au : Pe ke tio, vosa o le tagata ? Pe koi ikiiki aifai ki le fale o Suta a nea fakalialia ala e lotou fai i leinei ? Pe tonu foki ke lotou fakaapele le fenua ki tukipo, ti ke aua na lotou tuku loku fakaitaitai ? Ko leinei, e lotou fakafeofi le laakau ki olatou isu.

Maleko 10:27

Na tio loa Sesu kia latou, o pati : E leaise feala le nea a ia ki le tagata, kae e feala a ia ki le Atua : Talie e feala a nea fuli ki le Atua.

Luka 1:37

Talie e leaise faigataa se nea ki le Atua.

Efeso 3:20

Koia, ki leia e mafai ke fai ia o lasi maumau ake i nea fuli ala e tou kole pe tou manatu ki ai, i le makeke leia e gaoi ia tatou,