Lua tosi o Sau 3:12 - Tosi Tapu

¹² Ti na pati loa Sosafate : E nofo le folafola a le Eteleno mo ia. Na ifo loa kiate ia le sau o Iselaele ko Sosafate mo le sau o Etome.

Lua tosi o Sau 3:12 ပူးပေါင်းရင်းမြစ်များ

Lua tosi o Sau 2:21

Na ano loa Eliseo ki le matapuna o le vai, ti na laku loa e ia ki ai le patai, o pati : Ko leinei le folafola a le Eteleno : E kau fakamauli le vai leinei, ti e leaise toe maua loa mei ai le mate mo le paa.

Lua tosi o Sau 3:11

Kae na pati loa Sosafate : Pe e leaise maua i leinei se polofeta a le Eteleno, leia e feala ai ke tou iloa le finegalo o le Eteleno ? Na tali loa se tasi o tagata fakasausau a le sau o Iselaele : E nofo i leinei Eliseo, vosa o Safate, leia na liligi ia le vai ki lima o Elia.

Lua tosi o Sau 3:13

Ti na pati loa Eliseo ki le sau o Iselaele : Kolea kua ke au ai kiate au ? Ano ki le kau polofeta o lou tamana mo le kau polofeta o lou tinana. Ti na pati loa le sau o Iselaele kiate ia : Leai ! talie kua fakatasii e le Eteleno a sau anei e toka tolu, o tupu ke soli e ia latou ki lima o Moape.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Selemia 37:17

Na kakau loa e le sau ko Setesiasi ke afa mai Selemia kiate ia, ti na fakavelii fakafufu loa a ia e le sau i lona fale, o pati : Pe i ai se folafola mei le Eteleno ? Na tali loa Selemia : E io. Ti na toe pati loa a ia : E tuku loa a koe ki lima o le sau o Papilone.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.