Lua tosi o Sau 3:11 - Tosi Tapu

¹¹ Kae na pati loa Sosafate : Pe e leaise maua i leinei se polofeta a le Eteleno, leia e feala ai ke tou iloa le finegalo o le Eteleno ? Na tali loa se tasi o tagata fakasausau a le sau o Iselaele : E nofo i leinei Eliseo, vosa o Safate, leia na liligi ia le vai ki lima o Elia.

Lua tosi o Sau 3:11 ပူးပေါင်းရင်းမြစ်များ

Senesi 18:4

Tali ke aumai se ga vai ke fufulu ai okoutou vae ; ti mo kotou malolo mua i le lalo laakau leinei.

Uluaki tosi o Sau 19:21

Ti na fakamamao loa a ia meia Elia, o toe liliu. Ti na too loa e ia se soa pipi, leia na momoli loa e ia ki ai se sakilifisio ; na fakamoso loa e ia a inati ki le laakau leia na sai ki ai a pipi, o soli latou ke kai e le kakai. Ti na tuu ake loa a ia, o muli ia Elia, ti na tausi loa a ia kiate ia.

Uluaki tosi o Sau 22:7

Kae na pati loa Sosafate : Pe leaise koi toe i leinei se tasi ake polofeta a le Eteleno, leia ke tou afa ki ai ?

Lua tosi o Sau 2:25

Na ano loa Eliseo mei le ganea lena ki le mauga o Kalemelo, ti na toe liliu loa a ia i ai ki Samalia.

Lua tosi o Sau 3:10

Na pati loa le sau o Iselaele : Oi ! na fakatasii e le Eteleno a sau anei e toka tolu, o tupu ke tuku e ia latou ki lima o Moape.

Lua tosi o Sau 3:12

Ti na pati loa Sosafate : E nofo le folafola a le Eteleno mo ia. Na ifo loa kiate ia le sau o Iselaele ko Sosafate mo le sau o Etome.

Lua tosi o Sau 3:3

kae na logo ai na pipiki a ia ki agasala a Selopoamo, vosa o Nepate, leia na fakaagasalai ia Iselaele, ti na leaise tafoki a ia mei ai.

Uluaki tosi o Koloniko 10:13

Na mate loa Saulo, o tupu na agasala loa a ia ki le Eteleno, ti na leaise fakalogo loa a ia ki lana folafola, ti na afa loa e ia latou ala e masau ki le kau mate.

Uluaki tosi o Koloniko 14:10

Na afa loa e Tavite le finegalo o le Atua, o pati : Pe kau pale loa o taui le kau Filisitini, pe ke tuku mai loa latou ki oku lima ? Ti na pati loa le Eteleno kiate ia : Pale, ti e kau tuku atu loa latou ki ou lima.

Uluaki tosi o Koloniko 14:14

Na afa loa e Tavite le finegalo o le Atua. Ti na pati loa le Atua kiate ia : Aua na ke pale loa i olatou muli ; maliu meia latou, ti ke au loa kia latou o tautonu mo le ulu mulie.

Uluaki tosi o Koloniko 15:13

Talie na leaise kotou kau i le uluaki aumai o le aleka, koia leia na taai ai matou e le Eteleno lotatou Atua ; o tupu na leaise motou afa lona finegalo o mulimuli ki le lao.

Lua tosi o Koloniko 18:6

Kae na pati loa Sosafate : Pe leaise toe i leinei se polofeta a le Eteleno, leia ke tou afa ki ai le folafola a le Eteleno ?

Pesalemo 74:9

E leaise koi motou tio ki omatou fakamailoga ; E leaise koi maua se polofeta, Ti e leaise tasi ia matou e iloa ia pe kaku loa kiafea…

Selemia 37:17

Na kakau loa e le sau ko Setesiasi ke afa mai Selemia kiate ia, ti na fakavelii fakafufu loa a ia e le sau i lona fale, o pati : Pe i ai se folafola mei le Eteleno ? Na tali loa Selemia : E io. Ti na toe pati loa a ia : E tuku loa a koe ki lima o le sau o Papilone.

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Filipe 2:22

E kotou iloa kua fakamaoki a ia, i lana gaoi fakatasi mo au ki le Evaselio, ofaipe se fanau mo lona tamana.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Sosue 1:1

I le oki o le mate o Moisese, tagata fakasausau a le Eteleno, na pati loa le Eteleno kia Sosue, vosa o Nune, tagata fakasausau a Moisese :

Sosue 9:14

Na too loa e tagata o Iselaele se koga o lalatou nea kai o kai, kae na galo loa ke lotou afa le finegalo o le Eteleno.

Tuifakamaau 20:18

Ti na tuu ake loa a fanau a Iselaele ki aluga, o ano ki Petele, ti na lotou kole loa ki le Atua, o pati : Ko ai leia ia matou e tonu ke uluaki ano loa o tau ki vosa o Pesamino ? Na tali loa le Eteleno : Ko Suta e kamata ia loa.

Tuifakamaau 20:23

Ti na toe loto makeke loa le kakai, a tagata o Iselaele, ti na lotou toe fakatuutuu tau loa i le ganea leia na lotou nofo ai i le uluaki aso.