Lua tosi o Sau 25:9 - Tosi Tapu

⁹ Na tutu loa e ia le fale o le Eteleno, mo le fale o le sau, ti mo fale fuli o Selusalemi ; na tutu loa e ia ki le afi a fale fuli ala na mauiga.

Lua tosi o Sau 25:9 ပူးပေါင်းရင်းမြစ်များ

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Uluaki tosi o Sau 9:8

Ti e logo ai le mauiga o le fale leinei, ko le tagata leia e fakalaka loa i ona tafa, e punamauli loa mo mapu loa ki ai, o pati : Kolea kua fai feneeki ai e le Eteleno ki le fenua leinei mo le fale leinei ?

Lua tosi o Koloniko 36:19

Na lotou tutu loa le fale o le Atua, na lotou maumaui loa a paa o Selusalemi, na lotou tuku loa ki le afi a nea fuli o ona fale sau mo maumaui loa a nea mauiga fuli.

Esetalasi 5:12

Kae na agasala loa omatou tamana o tupu ai le sausau o le Atua o le lagi, leia na tuku ia loa latou ki lima o Nepukatenesale, tagata Kaletea, sau o Papilone, leia na maumaui ia le fale leinei ti na ave popula ia loa le kakai ki Papilone.

Pesalemo 79:1

Pesalemo a Asafe. Ei Atua ! kua nofo a atu puleaga i lou tofiga, Kua lotou fakakelekele lou fale tapu maokioki, Kua lotou fakaliliu Selusalemi ko se tuuga fatu.

Esaia 64:9

Kua liliu ou kolo maokioki ko se toafa ; Kua liliu Sione ko se toafa, Ti kua lavaki Selusalemi.

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 26:9

Kolea e ke kikite ai i le suafa o le Eteleno, o pati : E fai loa le fale leinei pe Silo, ti e maumaui loa le kolo leinei, ti e leaise toe nofoi loa a ia ? Ti na mumui loa le kakai katoa kia Selemia i le fale o le Eteleno.

Selemia 34:2

E folafola le Eteleno, le Atua o Iselaele, o pati : Ano, o pati kia Setesiasi, sau o Suta, pati kiate ia : E folafola le Eteleno, o pati : Ko leinei, e kau tuku le kolo leinei ki lima o le sau o Papilone, ti e tutu loa e ia a ia ki le afi.

Selemia 34:22

E pati le Eteleno : E kau tuku loa aku fakatotonu ti e kau toe fakaliliu mai loa latou ki le kolo leinei ; e lotou taui loa a ia, ti e lotou maua loa a ia, ti e lotou tutu loa a ia ki le afi. Ti e kau fakaliliu loa a kolo o Suta ko se toafa, sala kakai.

Selemia 37:10

Ti kapau foki e kotou tamate loa le solia katoa a le kau Kaletea leia e tau kia koutou, ti kapau foki e toe loa ia latou ni kau lavelavea ata, e lotou toe tutuu ake loa o taki toka tasi mei lona falela, ti e lotou tutu loa le kolo leinei ki le afi.

Selemia 37:8

Ti e toe liliu mai loa le kau Kaletea, o taui loa le kolo leinei, ti e lotou maua loa a ia, ti e lotou tutu loa a ia ki le afi.

Selemia 39:8

Ti na tutu loa e le kau Kaletea ki le afi le fale o le sau mo fale o le kakai, ti na lotou maumaui loa a paa o Selusalemi.

Selemia 41:5

Na kaku mai loa mei Siseme, mo Silo, mo Samalia ni kau tagata e toka valu ala kua tele olatou kaukava, ti kua masaesae olatou kofu, ti kua mavakuvaku olatou mata. Na lotou aumai loa ni moliga mo se iseso ke momoli i le fale o le Eteleno.

Selemia 52:13

Na tutu loa e ia ki le afi le fale o le Eteleno, mo le fale o le sau, mo fale fuli o Selusalemi ; kae tafito a fale o latou fuli ala na mauiga.

Selemia 7:14

E kau fai loa le nea leia na kau fai ki Silo, Ki le fale leia na fetapa ai ki loku suafa, Ki le fale leia na kotou tuku ki ai lakoutou fanaki, Ki le ganea leia na kau tuku kia koutou mo okoutou tamana ;

Tagi laulau a Selemia 1:10

Na falo e le tagata fakaveliveli lona lima Ki nea mauiga fuli na maua e ia ; Na tio a ia ki le ulu o atu puleaga ki lona sagatualio, Ala na ke tapui ki ai ke ulu ki lau fakatasiga.

Tagi laulau a Selemia 2:7

Na vesia le Aliki ki lona aletale, na tiaki e ia lona sagatualio, Na tuku e ia ki lima o le fili a paa o fale fakaalialiki o Sione ; Na gugulu ni kalaga i le fale o le Eteleno Ofaipe se aso lasi.

Tagi laulau a Selemia 5:18

Se tupu kua maumau le mauga o Sione, Se tupu kua taka i ai kuli vao.

Esekiele 10:2

Ti na pati loa le Eteleno ki le tagata leia na kofu ki le kofu tea fulumalie : Ano ki le vasa o teka ala i lalo o Selupino, ti fakaapele ou lima ki ni malala kaka ala e ke too loa i le vasa o selupino, o liligi latou ki le kolo ! Ti na ano loa a ia i oku mua.

Esekiele 16:41

E lotou tutu loa ou fale ki le afi, ti e lotou tautea loa a koe i mua o ni kau fafine toka api. E kau fakagato loa i ai lau faiaga ti e leaise ke toe soli loa se totogi.

Levitiko 26:31

E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Amosi 2:5

E kau kakau loa le afi ki Suta, Ti e kai loa e ia a fale sau o Selusalemi.

Amosi 6:11

Talie ko leinei, kua fakatotonu e le Eteleno : E tuku loa e ia ke maofa le fale lasi, Ti ke maumau le fale ikiiki.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.