Lua tosi o Sau 25:7 - Tosi Tapu

⁷ Na tamate loa a vosa o Setesiasi i ona mua ; ti na kape loa a mata o Setesiasi, ti na fui loa a ia ki ni tini kapa, o ave ki Papilone.

Lua tosi o Sau 25:7 ပူးပေါင်းရင်းမြစ်များ

Senesi 21:16

kae na ano loa a ia o nofo kese, o mamao mei le toe i se gasau na kaloloi. Talie na pati loa a ia : Ke aua na kau tio ki le mate o loku tama ! Na tonatona loa a ia i le ganea lena o tio ki le ganea leia na nofo ai lona tama, ti na tagi leo lasi loa a ia.

Senesi 44:34

Pe feaki loa laku toe liliu ki loku tamana, kae leaise pale loa le toe mo au ? Ke aua na kau tio loa ki le mamae o loku tamana !

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Lua tosi o Koloniko 36:6

Na pale loa Nepukatenesale, sau o Papilone, o taui a ia, ti na sai loa e ia a ia ki ni tini sila o ave ki Papilone.

Pesalemo 149:8

Ke sai olatou sau ki ni tini, Ti mo olatou kau lalasi ki ni ukamea,

Esaia 22:3

Kua sosola fakatasi ou pule fuli, Ti kua fakapilisoni latou e le kau faikalolo ; Kua fakapilisoni lou kakai i le temi e tasi, Tatau mo latou ala na sosola ki mamao.

Selemia 21:7

E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Selemia 22:30

E folafola le Eteleno, o pati : Kotou tosi le tagata leinei e sala fanau, Ofaipe leia e leaise manuia loa i lona mauli, Talie e leaise mafai loa e se tasi o lona sakoga Ke eke i le ekeekeaga fakasau o Tavite, O pule i Suta.

Selemia 34:3

Ti ko koe, e leaise ke sao loa i ona lima, kae e too loa a koe o tuku ki ona lima, ti e tio loa ou mata ki mata o le sau o Papilone, ti e masau totonu loa a ia kiate koe, ti e ke ano loa ki Papilone.

Selemia 37:17

Na kakau loa e le sau ko Setesiasi ke afa mai Selemia kiate ia, ti na fakavelii fakafufu loa a ia e le sau i lona fale, o pati : Pe i ai se folafola mei le Eteleno ? Na tali loa Selemia : E io. Ti na toe pati loa a ia : E tuku loa a koe ki lima o le sau o Papilone.

Selemia 38:23

E taki loa au avaga fuli mo au fanau ki le kau Kaletea ; ti ko koe, e leaise ke sao loa mei olatou lima, e too loa a koe e le lima o le sau o Papilone, ti e tutu loa le kolo leinei e le afi.

Tagi laulau a Selemia 2:9

Kua ogo ona matapa i le kele ; Ti na maumaui e ia mo fatifatii ona ukamea fakamaumau. Kua nofo lona sau mo ona pule i lotolotoga o atu puleaga ; e leaise koi i ai se lao. E leaise koi maua foki e le kau polofeta se nea mei le Eteleno.

Esekiele 12:11

Ke ke pati : Ko se fakamailoga au kia koutou. Ko le nea leia na kau fai, ko ia leia e fai loa kia latou : E lotou ano loa ki le popula i se fenua mamao.

Esekiele 7:27

E tagi mamae le sau, e i le pule, E lulu a lima o le kakai o le fenua. E kau fai loa kia latou o mulimuli ki olatou ala, E kau fakamaau loa latou i le faitotonu, Ti e lotou iloa loa ko au ko le Eteleno.

Tetelonome 28:34

E ke ulu vale loa o tupu ko le nea leia e tio loa ki ai ou mata.

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tuifakamaau 16:21

Na too loa a ia e le kau Filisitini, ti na lotou kape loa ona mata ; na lotou ave loa a ia ki Kasa, ti na lotou saisai loa a ia ki ni tini kapa. Na mio loa e ia le masini mio fulumeto i le fale pilisoni.