Lua tosi o Sau 25:5 - Tosi Tapu

⁵ Kae na tuli loa e le solia a le kau Kaletea le sau, o maua a ia ki le toafa o Seliko, ti na mavete loa lana solia katoa o mamao meiate ia.

Lua tosi o Sau 25:5 ပူးပေါင်းရင်းမြစ်များ

Lua tosi o Sau 25:4

Ti na fai loa se pu i le paa o le kolo ; ti na sosola loa a tagata tau fuli o Suta i le pouli, i le ala o le matapa i vasa o paa ala e ofi ki le oloto o le sau, kae na lolotoga takatakai e le kau Kaletea le kolo. Na too loa e le kau tagata ala na sosola le ala o le toafa.

Lua tosi o Sau 25:6

Na too loa e le kau Kaletea le sau, o ave ki le sau o Papilone i Lipela ; ti na fakamaaui loa a ia.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Selemia 21:7

E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Selemia 24:8

Ti e pati le Eteleno : Ofaipe fiki veveli ala e leaise feala ke kai o tupu ko lolatou fua veveli, e kau fai fenaaki loa kia Setesiasi, sau o Suta, mo lana kau pule, mo le toetoega o Selusalemi, latou ala na nonofo i le fenua leinei ti mo latou ala e nonofo i le fenua o Esipito.

Selemia 34:3

Ti ko koe, e leaise ke sao loa i ona lima, kae e too loa a koe o tuku ki ona lima, ti e tio loa ou mata ki mata o le sau o Papilone, ti e masau totonu loa a ia kiate koe, ti e ke ano loa ki Papilone.

Selemia 39:5

Kae na tuli loa latou e le solia a le kau Kaletea, ti na tapo loa e ia Setesiasi i le toafa o Seliko. Na lotou too loa a ia, o ave kia Nepukatenesale, sau o Papilone i Lipela, i le fenua o Amati ; ti na fakamaui loa e ia aia i ai.

Selemia 52:8

Kae na tuli loa e le kau Kaletea le sau, ti na lotou tapo loa Setesiasi i le toafa o Seliko ; ti mavete loa lana solia katoa o mamao meiate ia.

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Tagi laulau a Selemia 1:6

Kua puli le kololia katoa o le taine o Sione ; Kua fai ona pule pe ni tia, Ala e leaise koi maua ia se mutie ke kai, Ti kua sosola sala makeke i mua o leia e kapu ia latou.

Esekiele 12:14

Ko latou fuli ala e nonofo i ona tafa ti na tokoi kiate ia, Ti mo lana kau solia katoa, e kau fakamavete loa latou ki atu matagi fuli, Ti e kau kapu loa latou ki le seleta.

Esekiele 17:21

Ko latou fuli o lana kau solia ala na sosola e mamate loa i le seleta, ti ko latou ala e toe loa e mavetevete loa ki potu kesekese fuli. Ti e kotou iloa loa ko au, le Eteleno, na kau masau.

Esekiele 19:1

Ti ko koe, fatu se lau mamae ki pule o Iselaele,