Lua tosi o Sau 25:4 - Tosi Tapu

⁴ Ti na fai loa se pu i le paa o le kolo ; ti na sosola loa a tagata tau fuli o Suta i le pouli, i le ala o le matapa i vasa o paa ala e ofi ki le oloto o le sau, kae na lolotoga takatakai e le kau Kaletea le kolo. Na too loa e le kau tagata ala na sosola le ala o le toafa.

Lua tosi o Sau 25:4 ပူးပေါင်းရင်းမြစ်များ

Lua tosi o Sau 25:5

Kae na tuli loa e le solia a le kau Kaletea le sau, o maua a ia ki le toafa o Seliko, ti na mavete loa lana solia katoa o mamao meiate ia.

Lua tosi o Koloniko 32:5

Na loto makeke loa Esekiasi ; na toe fau loa e ia le paa leia na maumau, ti na toe siki ake loa e ia a ia ke taualuga o kaku ki tule leo, na toe fai loa e ia mo le tasi ake paa ki tafa, na fakamakeke loa e ia a Milo i le kolo o Tavite, ti na teuteui loa e ia ni masafu mo ni paletau o lasi ai.

Neemia 3:15

Na fakafoou e Salune, vosa o Kole-Ose, pule o le kolo o Misipa, le matapa o le matapuna vai. Na laga e ia a ia, o ato, ti mo fakapipiki ona matapa, mo ona loka, ti mo ona laakau fakamaumau. Na toe lagai e ia mo le paa o le vai o Siloe, i tafa o le oloto a le sau, o kaku ki le kakega leia e ifo mei le kolo o Tavite.

Esaia 22:11

E kotou fau loa se tanakiaga vai i le vasa o paa e lua Ke tanaki ai a vai o le fa tane afea. Kae e leaise kotou tagaki loa ki leia na fakataga ia a nea ana, E leaise kotou tio loa ki leia na teuteu ia a nea ana talu mei mamao.

Esaia 22:3

Kua sosola fakatasi ou pule fuli, Ti kua fakapilisoni latou e le kau faikalolo ; Kua fakapilisoni lou kakai i le temi e tasi, Tatau mo latou ala na sosola ki mamao.

Selemia 32:4

Ti e leaise sao loa Setesiasi, sau o Suta i le kau Kaletea, kae e tuku loa a ia ki lima o le sau o Papilone, ti e masau totonu loa a ia kiate ia, ti e tio loa ona mata ki ona mata.

Selemia 34:3

Ti ko koe, e leaise ke sao loa i ona lima, kae e too loa a koe o tuku ki ona lima, ti e tio loa ou mata ki mata o le sau o Papilone, ti e masau totonu loa a ia kiate koe, ti e ke ano loa ki Papilone.

Selemia 38:18

Ti kapau e leaise ke ano loa ki pule a le sau o Papilone, e tuku loa le kolo leinei ki lima o le kau Kaletea, ti e lotou tutu loa a ia ki le afi ; ti ko koe, e leaise ke sao loa mei olatou lima.

Selemia 4:17

E lotou takatakai Selusalemi ofaipe latou ala e taupau ia se faisaga, O tupu na agatuu a ia kiate au, e pati le Eteleno.

Selemia 4:29

I le patatu o le kau ekeosi mo le kau faikalolo, e sosola a kolo fuli ; E ulu ki ulu vao, e kava i utu ; Kua tiaki a kolo fuli, e leaise koi nofo i ai se tasi.

Selemia 44:30

Ti e folafola le Eteleno, o pati : E kau tuku loa Falaone Ofala, sau o Esipito, ki lima o ona fili, mo lima o latou ala e loto ki lona mauli, ofaipe laku tuku Setesiasi, sau o Suta, ki lima o Nepukatenesale, sau o Papilone, lona fili, leia na loto ki lona mauli.

Selemia 5:10

Kotou kava ki ona paa, ti kotou soloi, Kae aua na kotou maumaui katoa ! Kotou tatai ona tafito vite Ala e leaise kau ki le Eteleno !

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Tagi laulau a Selemia 1:6

Kua puli le kololia katoa o le taine o Sione ; Kua fai ona pule pe ni tia, Ala e leaise koi maua ia se mutie ke kai, Ti kua sosola sala makeke i mua o leia e kapu ia latou.

Esekiele 12:12

Ko le pule leia e nofo i loto malie o latou, E teki ia loa lana kavega ki lona ua i le pouli, ti e ano loa ; E puui loa le paa ke fakaulu ai a ia ki fafo ; E pulou loa ona mata, Ke aua na tio ona mata ki le kele.

Esekiele 12:14

Ko latou fuli ala e nonofo i ona tafa ti na tokoi kiate ia, Ti mo lana kau solia katoa, e kau fakamavete loa latou ki atu matagi fuli, Ti e kau kapu loa latou ki le seleta.

Esekiele 12:4

Ke ke ave ou nea fanoga i le ao i olatou mua ; ti ko koe, ke ke ano loa i le afiafi i olatou mua, ofaipe le ano a ni kau popula.

Esekiele 33:21

I le fetuu kau agafulu tupu lua, i le aso lima o le masina kau agafulu o lomatou popula, na au se tagata leia na sola i Selusalemi, o pati mai kiate au : Kua vilo le kolo !

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?