Lua tosi o Sau 25:3 - Tosi Tapu

³ I le iva o aso o le masina, na makeke ai le oge i le kolo, na leaise koi maua se pane ki le kakai o le kolo.

Lua tosi o Sau 25:3 ပူးပေါင်းရင်းမြစ်များ

Lua tosi o Sau 25:2

Na takatakai loa le kolo e le tau o kaku ki le fetuu kau agafulu tupu tasi o le sau o Setesiasi.

Lua tosi o Sau 6:24

I le sili o nea ana, na tanaki loa e Pene-Atate, sau o Silia, lana solia katoa, ti na pale loa a ia, o takatakai Samalia.

Lua tosi o Sau 6:25

Na to loa se oge lasi ai i Samalia ; na mailoga loa le veli o le tapotapono o Samalia e le kau Silia, na totogi loa le ulu o le asino ki fa paaga e kau valu, ti ko le vaeluai kilo o faikauga o lupe ki fa paaga e lima.

Esaia 3:1

Ko leinei ka too loa e le Aliki, le Eteleno o kau tau, I Selusalemi mo Suta, A fanakiaga fuli mo tokoi fuli, Io, a tokoi fuli o le pane Ti mo tokoi fuli o le vai,

Selemia 19:9

E kau fagai loa latou ki tino o olatou vosa mo tino o olatou taineliki, Ti e lotou fekaiaki loa olatou tino, I loto malie o le i mo le mamae, Ala e tuku loa latou ki ai e olatou fili Ti mo latou ala e loto ki lolatou mauli.

Selemia 37:21

Ti na fakatotonu loa e le sau ko Setesiasi ke ave Selemia ki le malae o le fale pilisoni, ti ke soli kiate ia i aso taki tasi se fa pane e tasi mei le ala o le kau tao pane, o kaku ki le oki o le pane i le kolo. Ti na nofo loa Selemia i le malae o le fale pilisoni.

Selemia 38:2

E folafola le Eteleno, o pati : Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea e saofaki loa e ia lona mauli ; ti ko lona totogi ko lona mauli, io, e mauli loa a ia.

Selemia 39:2

I le fetuu kau agafulu tupu tasi o Setesiasi, i le aso iva o le masina fa, na fai loa se pu i le kolo,

Selemia 52:6

I le aso iva o le masina fa, na veli ai le oge i le kolo, ti na leaise koi maua se pane ki le kakai o le fenua.

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 5:10

Koia e kai loa e ni tamana alatou fanau i loto malie o ou, ti e kai loa e ni fanau olatou tamana ; e kau fakasoko loa aku fakamaauaga kiate koe, ti e kau veteki loa ki matagi fuli le nea leia e toe loa iate koe.

Esekiele 5:12

E mate loa le tolu vaega o lou kakai i le masaki veli ti mo le oge i loto malie o ou ; ti e mate loa le tasi vaega i le seleta i ou tafatafa ; ti e kau veteki loa le tasi vaega ki matagi fuli, ti e kau tuli loa latou ki le seleta.

Esekiele 7:15

Ko le seleta i fafo, ko le taumasaki mo le oge i loto ! Ko leia e nofo i le faisaga e mate loa i le seleta, Ko leia e nofo i le kolo e mate loa i le oge mo le taumasaki.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.