Lua tosi o Sau 25:1 - Tosi Tapu

¹ I le fetuu iva o le sau o Setesiasi, i le aso kau agafulu o le kau agafulu o masina, na au loa Nepukatenesale, sau o Papilone, mo lana solia katoa, o taui Selusalemi ; na fakatuu loa e Nepukatenesale lona nofolaga tau i mua o Selusalemi, ti na kenu loa e ia ni popoko i le takatakai katoa o Selusalemi.

Lua tosi o Sau 25:1 ပူးပေါင်းရင်းမြစ်များ

Lua tosi o Sau 24:1

I le sau o Sosakimi, na ano loa le sau o Papilone ko Nepukatenesale o tau. Na popula loa Sosakimi kiate ia i fetuu e tolu ; kae na agatuu loa a ia ki le sau o Papilone.

Lua tosi o Sau 24:10

I le temi lena, na pale ake loa a kau tagata fakasausau a Nepukatenesale, sau o Papilone, o taui Selusalemi, ti na lotou takatakai loa le kolo.

Lua tosi o Sau 25:2

Na takatakai loa le kolo e le tau o kaku ki le fetuu kau agafulu tupu tasi o le sau o Setesiasi.

Lua tosi o Sau 25:8

I le fitu o aso o le lima o masina, i le fetuu kau agafulu tupu iva o le sau o Nepukatenesale, sau o Papilone, na ulu loa ki Selusalemi a Nepusalatane, pule o le kau leo, tagata fakasausau a le sau o Papilone.

Uluaki tosi o Koloniko 6:15

Na ano popula loa Seotesatake i le temi leia na ave popula ai loa e le Eteleno a Suta mo Selusalemi ia Nepukatenesale.

Lua tosi o Koloniko 36:11

Na sau loa Setesiasi i lona fetuu kau lua tupu tasi, ti na sau loa a ia i fetuu e kau agafulu tupu tasi i Selusalemi.

Esaia 29:3

E kau takatakai ia loa a koe i potu fuli, E kau tapotapono ia loa a koe ki ni nofolaga solia, E kau fai loa ni kolo tau ke taui ai a koe.

Selemia 21:2

Afa le finegalo o le Eteleno kia tatou ; talie ko leinei kua au Nepukatenesale, sau o Papilone, o taui tatou ; E lagi fai loa e le Eteleno kia tatou se milakulo ke fakamamao ai Nepukatenesale meia tatou.

Selemia 27:8

Ti kapau e leaise fia fakalogo loa se kakai, pe ko se puleaga, kiate ia, Nepukatenesale, sau o Papilone, ti e leaise fia tuku loa e ia lona ua ke tau ki ai le amoga a le sau o Papilone, e kau tautea loa le puleaga lena ki le seleta, mo le oge, mo le taumasaki, e pati le Eteleno, o kaku ki laku maumaui a ia ki le lima o le sau o Papilone.

Selemia 32:1

Na tuku loa le folafola a le Eteleno kia Selemia, i le fetuu kau agafulu o Setesiasi, sau o Suta. Ko le fetuu kau agafulu tupu valu a ia o Nepukatenesale.

Selemia 32:2

Na takatakai e le solia a le sau o Papilone a Selusalemi i le temi a ia ; ti na tuku a Selemia, ko le polofeta, i le malae o le pilisoni leia na tuu i le fale o le sau o Suta.

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 32:28

Koia e folafola ai le Eteleno, o pati : Ko leinei, e kau tuku le kolo leinei ki lima o le kau Kaletea, Ti mo lima o Nepukatenesale, sau o Papilone, Ti e too loa e ia a ia.

Selemia 4:17

E lotou takatakai Selusalemi ofaipe latou ala e taupau ia se faisaga, O tupu na agatuu a ia kiate au, e pati le Eteleno.

Selemia 43:10

Ti e ke pati loa ki le kau Sutea : E folafola le Eteleno o kau tau, le Atua o Iselaele, o pati : E kau fakatotonu loa ke au Nepukatenesale, sau o Papilone, laku tagata fakasausau, ti e kau fakatuu loa lona ekeekeaga fakasau i aluga o fatu anei kua kau aga o fufu, ti e folasi loa e ia lona la i aluga.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 51:34

Ko Nepukatenesale, sau o Papilone, na kai ia au ti na maumaui ia au ; Na fakaliliu e ia au ko se ipu masa ; Pe se talakone, na folo e ia au, Na fakaapele e ia lona manava ki nea ala na mauiga kiate au ; Na kapu e ia au.

Selemia 52:1

Na kamata sau Setesiasi i lona fetuu kau lua tupu tasi, ti na sau a ia i fetuu e kau agafulu tupu tasi i Selusalemi. Na igoa lona tinana ko Amutale, taine o Selemia mei Lipena.

Selemia 6:3

E saele kiate ia ni kau tausi manu mo alatou kau manu ; E lotou fakatuu olatou falela i ona tafatafa, E lotou tasi kai lona vaega.

Esekiele 21:14

Vosa o le tagata, kikite, o pati : E folafola le Eteleno. Pati : Ko le seleta ! Ko le seleta ! Kua fakakakai a ia, ti kua gigila a ia !

Esekiele 26:7

Talie e folafola le Aliki, le Eteleno, o pati : Ko leinei, e kau aumai loa ki Tile i le potu noleto a Nepukatenesale, sau o Papilone, le sau o sau fuli, mo ni kau osi, mo ni kau saliote, mo ni kau tagata ekeosi, ti mo se kakai toka api.

Esekiele 40:1

I le fetuu kau lua tupu lima o lomatou popula, i le kamataaga o le fetuu, i le aso kau agafulu o le masina, i lona kau agafulu tupu fa fetuu i le oki o le maumaui o le kolo, i le aso totonu lena, na teki loa le lima o le Eteleno kiate au, ti na ave loa au e le Laumalie ki le fenua o Iselaele.

Sakalia 8:19

E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.

Tetelonome 28:52

E taui loa e ia a koe i kolo fuli ala e tuku atu loa kiate koe e le Eteleno, lou Atua. E lotou taui loa a koe o kaku ki le siga ki lalo o kaua makeke ala e ke mumuni ai i muli ti na ke fanaki ki ai.