Lua tosi o Sau 24:4 - Tosi Tapu

⁴ ti mo le toto leia na liligi noa e Manase, ti mo tukipo ala na fakaapele e ia ki ai a Selusalemi. Koia na leaise loto ai le Eteleno ke fakamolemole kia latou.

Lua tosi o Sau 24:4 ပူးပေါင်းရင်းမြစ်များ

Lua tosi o Sau 21:11

O tupu na fai e Manase, sau o Suta, a aga fakalialia ana, ti tupu na veli oki ake a nea ala na fai e ia i nea fuli ala na fai e le kau Amole i ona mua, talie na fakaagasalai foki e ia a Suta ki ona taulaatua,

Lua tosi o Sau 21:16

Na liligi foki e Manase le toto mea o lasi ai, o kaku ki le fakaapele o Selusalemi mei leia a potu ki leia a potu, kae kese fai a agasala fuli ala na fai e ia ti na fakaagasalai ai e ia a Suta, o fai le nea leia e veli ki mata o le Eteleno.

Lua tosi o Sau 23:26

Kae na logo ai le nea lena, na leaise tafoki loa le Eteleno mei le kaka o lona sausau lasi ki Suta, o tupu ko nea fuli ala na fai e Manase ke tupu ai lona ita.

Lua tosi o Sau 24:5

Ko le toe o gaoi a Sosakimi, a nea fuli ala na fai e ia, pe leaise tosi a ia i le tosi fakamatala ki sau o Suta ?

Pesalemo 106:38

Na lotou liligi loa le toto saosaoa, Le toto o olatou vosa mo olatou taineliki, Ala na lotou momoli loa ki taulaatua o Kanaane, Ti na fakalialia loa le fenua i tukipo.

Taagapati 6:17

Ko mata ala e fia nealasi, mo le alelo leia e loi, Mo lima ala e liligi ia le toto saosaoa,

Selemia 15:4

E kau fakaliliu loa latou ko se nea fakaii ki puleaga fuli o le kele, O tupu ko Manase, vosa o Esekiasi, sau o Suta, Ti mo nea fuli ala na fai e ia i Selusalemi.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 2:34

E maua foki i le tapatapa o lou kofu Le toto o le kau agatonu, Ala na leaise ke maua e fakamakeke ia lou matapa.

Selemia 22:17

Kae kua ke tuku ata ou mata mo lou loto Ki le manumanu koloa, Ke liligi le toto mea, Ke fai le fakaveliveli mo le fakamakeke.

Selemia 32:31

Talie kua fakatupu e le kolo leinei loku sausau mo loku mafaia, Talu mei le aso leia na laga ai a ia o kaku mai ki le aso nei ; Koia e kau loto ai ke too le kolo leinei i oku mua,

Tagi laulau a Selemia 3:42

Na motou agasala, ti na motou agatuu ! Na leaise ke fakamolemole !

Esekiele 22:3

E ke pati loa : E folafola le Aliki, le Eteleno, o pati : Kolo leia e liligi ia le toto i loto malie o ou, o tupu ke kaku mai lou aso fakamaaui, leia e fai ia ni taulaatua ke fakakelekele ia a koe !

Esekiele 24:6

Koia e folafola le Aliki, le Eteleno, o pati : Malaia ki le kolo tukipo, fa kulo kelemea, leia e leaise toe puli lona kelemea ! Too taki tasi a inati fuli i ai, ti aua na toe filifili o fai ki le loto.

Esekiele 24:8

Koia na kau liligi ai lona toto i aluga o le utu, i le ganea leia e leaise mafai ke tanumia ai, o tupu ke tupu ai loku sausau, ti ke kau tautea a ia.

Esekiele 33:25

Koia ke ke pati kia latou : E folafola le Aliki, le Eteleno, o pati : E kotou kai akoutou nea kai mo le toto, ti e kotou siki okoutou mata ki okoutou taulaatua, ti e kotou liligi le toto. Ti e kotou maua loa i ai le fenua !

Numelo 35:33

Ke aua na kotou fakakelekele loa le fenua leia e kotou nonofo ai loa : talie e fakakelekele e le tagata tukipo le fenua ; ti kapau e tukipooi loa se tagata o mate, koi fakamea loa le fenua mo kapau e tamate loa le tagata tukipo.

Tetelonome 19:10

o tupu ke aua na liligi loa le toto mea i loto malie o le fenua leia e soli atu kiate koe e le Eteleno, lou Atua, ke ke maua tofiga, ti ke aua na ke agasala loa i se tukipo.

Tetelonome 29:19

Ke aua na i ai loa se tasi, leia e oki loa lana logo ki folafola o le sai leinei, ti e fia nealasi loa lona loto, o pati : E kau maua loa le tokamalie, logo ai e kau mulimuli loa ki olioli o loku loto, ti e kau fakalasi loa le fia inu ki le kona.