Lua tosi o Sau 24:17 - Tosi Tapu

¹⁷ Ti na fakanofo loa e le sau o Papilone a Matania ke sau o fetogi Sosakini, lona tuatinana, ti na fetogi loa e ia lona igoa ki leia o Setesiasi.

Lua tosi o Sau 24:17 ပူးပေါင်းရင်းမြစ်များ

Lua tosi o Sau 23:34

Ti na fakanofo loa e Falaone Neko a Eliakimi, vosa o Sosiasi, ke sau o fetogi a Sosiasi, lona tamana, ti na fetogi loa e ia lona igoa ki leia o Sosakimi. Na too loa e ia Soakase, leia na ano loa ki Esipito, o mate i ai.

Lua tosi o Koloniko 36:4

Ti na fakanofo loa e le sau o Esipito ke sau i Suta mo Selusalemi a Eliakimi, taina o Soakase ; ti na fetogi loa e ia lona igoa ki leia o Sosakimi. Na too loa e Neko lona taina ko Soakase, o ave a ia ki Esipito.

Selemia 1:3

kae sau Sosakimi, vosa o Sosiasi i Suta, o kaku ki le fakaoki o le fetuu kau agafulu tupu tasi o Setesiasi, vosa o Sosiasi, sau o Suta, o kaku ki le ave fakapopula o Selusalemi i le masina lima.

Selemia 21:1

Ko leinei le folafola leia na tuku e le Eteleno kia Selemia, i le aso leia na kakau ai e le sau ko Setesiasi a Pasule, vosa o Malekisa, mo Sofoni, le tagata faisakilifisio, vosa o Maasesa, ke ano kiate ia, o pati :

Selemia 37:1

Na sau loa Setesiasi, vosa o Sosiasi, o fetogi Sekonia, vosa o Sosakimi, ti na fakanofo loa a ia ke sau i le fenua o Suta e Nepukatenesale, sau o Papilone.

Selemia 49:34

Na tuku loa le folafola a le Eteleno ki le polofeta ko Selemia o uiga mo Elame, i le kamataaga o le sau o Setesiasi i Suta, o pati :

Selemia 52:1

Na kamata sau Setesiasi i lona fetuu kau lua tupu tasi, ti na sau a ia i fetuu e kau agafulu tupu tasi i Selusalemi. Na igoa lona tinana ko Amutale, taine o Selemia mei Lipena.

Esekiele 17:13

Ti kua filifili e ia se tasi o le sakoga sau, ti kua fai e ia se sai mo ia, o fakamaua a ia ke fakapapau, ti kua ave e ia le kau lalasi o le fenua,

Esekiele 17:16

E pati le Aliki, le Eteleno : E kau mauli ! E mate loa le sau lena i le fenua o le sau leia na fakaeke ia a ia ki le ekeekeaga fakasau. O tupu na leaise tokaga a ia ki le fakapapau na fai, kae na motusi e ia le sai. Ti e mate loa a ia i Papilone totonu.

Esekiele 23:17

Ti na ano loa fanau o Papilone kiate ia, O momoe mo ia i lona palepale, Ti na lotou fakakelekele loa a ia ki alatou faiaga. Na fakakelekele a ia mo latou, Ti oki na maliu loa lona loto ia latou.

Taniela 1:7

Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.