Lua tosi o Sau 24:13 - Tosi Tapu

¹³ Na too loa e ia a koloa fuli o le fale o le Eteleno mo koloa o le fale o le sau ; ti na maumaui loa e ia a nea aulo fuli na fai e Salomone, sau o Iselaele, ki le fale tapu o le Eteleno, o mulimuli ki le nea leia na fakasa e le Eteleno.

Lua tosi o Sau 24:13 ပူးပေါင်းရင်းမြစ်များ

Lua tosi o Sau 20:17

Ko leinei, e soko mai loa le temi leia e ave ai loa ki Papilone a nea fuli ala e tuku i lou fale, ti mo nea ala na tanaki e ou tamana o kaku mai ki le aso nei ; e folafola le Eteleno : E leaise toe loa se nea fua e tasi.

Lua tosi o Koloniko 36:7

Na ave loa e Nepukatenesale ki Papilone a nea gaoi o le fale o le Eteleno, ti na tuku loa e ia latou ki lona fale sau i Papilone.

Esaia 39:6

Ko leinei, e soko mai loa ni aso, ti e fetuku loa ki Papilone a nea fuli ala e maua i lou fale ti mo nea fuli ala na tanaki e ou tamana o kaku mai ki le aso nei ; ti e leaise toe toe loa se nea fua e tasi, ko le folafola lena a le Eteleno.

Selemia 17:3

E kau tuku ke kaia loku mauga mo ona faisaga, mo au nea malilie, mo ou koloa fufu fuli, Ti mo ou ganea taualuga, o tupu ko au agasala, i lou fenua katoa.

Selemia 20:5

E kau tuku loa a koloa fuli o le kolo leinei, mo fua fuli o lana gaoi, mo ana nea mauiga fuli, ti e kau tuku loa a koloa fuli o sau o Suta ki lima o olatou fili, ala e maumaui ia loa latou, mo too ia loa latou, ti mo ave ia loa latou ki Papilone.

Selemia 28:6

Na pati loa Selemia, le polofeta : Amene ! Ke fai fenaaki e le Eteleno ! Ke fakamaoki e le Eteleno a folafola ala kua ke fakasa, ti ke toe fakaliliu mai e ia mei Papilone ki le ganea leinei a ipu o le fale o le Eteleno mo le kau popula katoa !

Esekiele 23:26

E lotou too loa ou kofu iate koe, Ti e lotou ave loa ou nea fakateuteu ala na ke teu ki ai.

Esekiele 7:21

E kau tuku loa a ia ke kaia e lima o kau matapule, Ti ko se koloa o le tau ki le kau pagani o le malama nei, O tupu ke lotou fakakelekele a ia.