Lua tosi o Sau 23:8 - Tosi Tapu

⁸ Na fakamaopo mai loa e ia a kau pelepitelo fuli o kolo o Suta ; ti na fakakelekele loa e ia a ganea taualuga ala na tutu ai e le kau pelepitelo a nea fakamanogi, mei Kepa o kaku ki Peele-Sepa ; ti na maumaui loa e ia a ganea taualuga o matapa, leia na tuu i le uluaga o le matapa o Sosue, le pule o le kolo, ti mo leia na tuu i le fetuu sema o le matapa o le kolo.

Lua tosi o Sau 23:8 ပူးပေါင်းရင်းမြစ်များ

Senesi 21:14

Na tuu ake loa Apalaamo koi usu ; ti na too loa e ia se pane mo se fagu vai o soli kia Akale, o teki ki lona tuauma ; ti na toe soli loa e ia kiate ia le tama, ti na kakau loa e ia Akale ke ano. Na ano loa Akale, ti na sese loa a ia i le toafa o Pele-Sepa.

Senesi 21:31

Koia leia na fakaigoa ai le ganea lena ko Pele-Sepa ; talie ko le ganea lena leia na la fai ai le sai.

Senesi 26:23

Na toe pale loa a ia i ai ki Pele-Sepa.

Uluaki tosi o Sau 15:22

Na tanaki loa e le sau ko Asa a Suta katoa, o leaise puli se tasi, ti na lotou fetuku loa o ave a fatu mo le laakau leia na fakaaoga e Paesa ki le laga o Lama ; ti na fakaaoga loa e le sau ko Asa a nea ana ke fau ai a Kepa o Pesamino mo Misipa.

Uluaki tosi o Sau 19:3

I le logo loa a Elia ki le nea lena, na tuu ake loa a ia ki aluga o sola ke saofaki lona mauli. Na kaku loa a ia ki Peele-Sepa, leia e kau ki Suta, ti na tuku loa e ia i ai lana tagata fakasausau.

Uluaki tosi o Koloniko 6:60

Na soli loa ki le faasiga o Pesamino a Kepa mo ona tafatafa, mo Alemete mo ona tafatafa, mo Anatote mo ona tafatafa. Ko le lasi o olatou kolo ko le kau agafulu tupu tolu, o mulimuli ki olatou famili.

Esaia 10:29

Kua lotou fakalaka i le vasa lau ikiiki o mauga ; Kua lotou momoe i Kepa ; Kua lulu Lama ; Kua sola Kipea o Saulo.

Esekiele 44:10

Ti ko le kau levita, ala na fakamamao iate au, i le temi leia na sese ai Iselaele iate au, o mulimuli i ona taulaatua, e amo ia loa le veli o lalatou agaveli.

Amosi 5:5

Aua na kotou afa Petele, Aua na kotou ano ki Kilikale, Aua na kotou fakalaka i Pele-Sepa. Talie e popula loa Kilikale, Ti e liliu loa Petele ko se kolo maumau.

Sakalia 14:10

E liliu loa le fenua katoa ofaipe le fenua tokamalie, mei Kepa o kaku ki Limoni I le potu saute o Selusalemi ; Ti e malaga loa Selusalemi ki aluga ti e tuu loa a ia i lona tuuaga, Mei le matapa o Pesamino o kaku ki le uluaki matapa, O kaku ki le matapa o agele, Ti mei le tule o Ananeele o kaku ki tatauaga vino o le sau.

Sosue 18:24

mo Kefa-Amonai, mo Ofeni ti mo Kepa ; ko kolo e kau agafulu tupu lua mo olatou kolo liliki.

Sosue 21:17

Mei le faasiga o Pesamino, na lotou soli loa ki le kau Levi, a Kapaone mo ona tua kolo, mo Kepa mo ona tua kolo ;

Tuifakamaau 20:1

Ko fanau fuli o Iselaele, mei Tane o kaku ki Pele-Sepaki ti mo le fenua o Kalaate, na fakatasi loa i se loto e tasi i mua o le Eteleno, i Misipa.