Lua tosi o Sau 23:6 - Tosi Tapu

⁶ Na too loa e ia mei le fale o le Eteleno le fakatata o Asetalate, leia na ave loa e ia ki le tua kolo o Selusalemi ki le liua o Setolone ; na tutu loa e ia a ia i le liua o Setolone o okioki, ti na laku loa e ia le mugalafu ki tanuma o fanau o le kakai.

Lua tosi o Sau 23:6 ပူးပေါင်းရင်းမြစ်များ

Uluaki tosi o Sau 14:23

Talie na lotou toe laga foki kia latou ni potu taualuga, mo ni fakatata, ti mo ni taulaatua, i tumutumu o mauga liliki fuli ti mo lalo o laakau sesega fuli.

Uluaki tosi o Sau 15:13

Ti na fakapuli foki e ia le tuulaga o le fafine sau mei lona tinana ko Maaka, o tupu na fau e ia se fakatata kia Asetalate. Na maumaui loa e Asa lona fakatata ti na tutu loa e ia a ia i le vaitafe o Setolone.

Uluaki tosi o Sau 16:33

ti na fai loa e ia se fakatata o Asetalate. Na fai loa e Akapo o lasi ake i sau fuli o Iselaele i ona mua, ke fakatupu ai le sausau o le Eteleno, le Atua o Iselaele.

Uluaki tosi o Sau 2:37

Ke ke iloa ko le aso leia e ke mavae ai loa i le kolo, o fakalaka i le liua o Setolone, e ke mate loa ; e vilo loa lou toto ki lou fa ulu.

Lua tosi o Sau 10:26

Na lotou toso loa ki fafo a fakatata o le fale o Paale, o tutu i ai.

Lua tosi o Sau 10:27

Na lotou maumaui loa le fakatata o Paale, ti na lotou toe maumaui foki mo le fale o Paale, ti na lotou fakaliliu loa a ia ko se fale vao o kaku mai ki le aso nei.

Lua tosi o Sau 21:7

Na tuku loa e ia le fakatata o Asetalate, leia na fai e ia, ki loto o le fale leia na pati ki ai le Eteleno kia Tavite mo Salomone, lona vosa : Ko le fale leinei, leia e tuu i Selusalemi, leia na kau filifili i faasiga fuli o Iselaele, ti e kau loto ke fakasa ai loku suafa o lee gato.

Lua tosi o Sau 23:12

Ti na maumaui loa e le sau a aletale ala na tuu i aluga o ato o le kogafale aluga o Akase, ala na fai e sau o Suta, ti mo aletale ala na fai e Manase i malae e lua o le fale o le Eteleno ; i le oki o lana maumaui mo sau mei ai, na laku loa e ia le efu ki le liua o Setolone.

Lua tosi o Sau 23:15

Ti na maumaui loa e ia le aletale leia na tuu i Petele, ti mo le ganea taualuga leia na fakatuu e Selopoamo, vosa o Nepate, leia na fakaagasalai ia Iselaele ; ti na tutu loa e ia le ganea taualuga o okioki, ti na tutu loa e ia le fakatata.

Lua tosi o Koloniko 15:16

Na too foki e le sau ko Asa mei lona tinana ko Maaka, lona tuulaga fafine sau, o tupu na fai e ia se fakatata o Asetalate. Na maumaui loa e Asa lona taulaatua o momoliki ti na fakatotonu loa e ia ke tutu a ia i le liua o Setolone.

Lua tosi o Koloniko 33:3

Na toe laga loa e ia a ganea taualuga, ala na maumaui e lona tamana ko Esekiasi ; na fakatuu loa e ia ni aletale kia Paale, ti na fai loa e ia ni fakatata o Asetalate, ti na atolasio loa a ia ki le kau tau o le lagi.

Lua tosi o Koloniko 34:4

Na solosoloi loa ki lalo i ona mua a aletale o Paale, ti na ta loa e ia ki lalo a fakatata na fakatapui ki le laa ala na tutuu i aluga o aletale ; na fatifatii loa e ia a taulaatua, mo fakatata togi mo fakatata ukamea na saka ti na laliki loa e ia latou ke efu, ti na laku loa e ia le efu ki tanuma o latou ala na momoli ia ni sakilifisio kia latou ;

Ekesote 32:20

Ti na too loa e Moisese le uviki pipi leia na lotou fai, o ti a ia ki le afi ; ti na fakaliliu loa e ia a ia ke mugalafu ; ti na laku loa e ia le mugalafu lena ki le vai, ti na fakainu loa e ia le vai lena ki fanau a Iselaele.

Selemia 17:2

E tatau lalatou manatu ki alatou fanau mo lalatou manatu ki olatou aletale Ti mo olatou taulaatua o Asetalate i tafa o laakau lalasi, I mauga liliki taualuga.

Selemia 22:18

Koia e folafola le Eteleno, o pati kia Sosakimi, vosa o Sosiasi, sau o Suta : E leaise tagi loa kiate ia, o pati : Oiau, loku taina ! Oiau loku tuagaane ! E leaise tagi loa kiate ia, o pati : Oiau, aliki ! Oiau, lona agai !

Selemia 31:40

E fakatapu loa ki le Eteleno le vaivailiua katoa o le kau mate mo le mugalafu, Ti mo faisaga fuli o kaku ki le liua o Setolone, O kaku ki le matapa o osi i le potu esite, Ti e leaise toe taaki loa pe toe maumaui loa latou i se aso.

Soane 18:1

I le oki o lana fakasa a nea ana, na ano loa Sesu mo ana tisipulo ki leia atu fetuu o le vaitafe ko Setolone, leia na tuu ai se oloto, ti na ulu loa a ia ki ai mo ana tisipulo.

Tetelonome 7:25

Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Tetelonome 9:21

Na kau too loa le uviki pipi, le fua o lakoutou agasala, ti na kau tutu loa a ia i le afi. Na kau fatifatii loa a ia, ti na kau tuki loa a ia o momomomo ofaipe se efu, ti na kau tiaki loa le efu lena ki le liua leia e ifo mei le mauga.

Tuifakamaau 3:7

Na agaveli loa fanau a Iselaele ki le Eteleno, ti na lotou galoi ia loa le Eteleno, lolatou Atua, kae na lotou atolasio loa kia Paale mo Akelase.