Lua tosi o Sau 23:4 - Tosi Tapu

⁴ Ti na fakatotonu loa e le sau kia Ilekisa, le tagata faisakilifisio lasi, mo la ake kau tagata faisakilifisio, ti mo le kau leo matapa, ke lotou laku ki fafo mei le fale o le Eteleno a nea gaoi fuli ala na fai kia Paale, mo Asetalate ti mo le kau tau katoa o le lagi ; ti na tutu loa e ia latou i le tua kolo o Selusalemi, i faisaga o Setolone, ti na kakau loa e ia ke ave lona mugalafu ki Petele.

Lua tosi o Sau 23:4 ပူးပေါင်းရင်းမြစ်များ

Lua tosi a Samuele 15:23

Na fetagisi le fenua katoa o leo lasi i le temi leia na fakalaka ai le kakai i mua o Tavite. Na fakalaka loa le sau i le liua ko Setolone mo lona kakai, i le ala leia e ano ki le toafa.

Uluaki tosi o Sau 12:29

Na fakatuu loa e ia le tasi a pipi i Petele, ti na tuku loa e ia leia ake a pipi i Tane.

Uluaki tosi o Sau 15:13

Ti na fakapuli foki e ia le tuulaga o le fafine sau mei lona tinana ko Maaka, o tupu na fau e ia se fakatata kia Asetalate. Na maumaui loa e Asa lona fakatata ti na tutu loa e ia a ia i le vaitafe o Setolone.

Uluaki tosi o Sau 16:31

Na leaise feauga kiate ia lana muli i agasala a Selopoamo, vosa o Nepate, kae na toe too foki e ia Sesapele, taine o Etepaale, sau o le kau Sitone, ke avaga mo ia, ti kua toe ano foki a ia, o tausi kia Paale mo tulolo i ona mua.

Uluaki tosi o Sau 18:19

Ko leinei, fakatotonu ke fakatasi Iselaele katoa ki oku mua, i le mauga o Kalemelo, ti mo le kau polofeta a Paale ko tino lelau e fa mo le tino lima, ti mo le kau polofeta a Asetalate ko tino lelau e fa, ala e kakai i le laupapa o Sesapele.

Uluaki tosi o Sau 18:26

Na lotou too loa le pipi tagata leia na soli loa kia latou, o lotou teuteui loa a ia ; ti na lotou kalaga loa ki le igoa o Paale, mei le usu o kaku ki le lalatea, o pati : Paale, tali mai kia matou ! Kae na leaise logo loa ki se leo, pe tali mai loa se tasi. Ti na lotou soposopo loa i mua o le aletale leia na lotou fai.

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Uluaki tosi o Sau 19:18

Kae e kau tuku loa i Iselaele se kau tagata e tino afe fitu, latou fuli ala na leaise peluki olatou tuli i mua o Paale, ti na leaise sogi olatou gutu kiate ia.

Lua tosi o Sau 10:26

Na lotou toso loa ki fafo a fakatata o le fale o Paale, o tutu i ai.

Lua tosi o Sau 12:10

Ka tio loa a tagata faisakilifisio kua lasi le paaga i le fa pusa, ti na pale le sekalaipe a le sau mo le pule o le kau tagata faisakilifisio, ti na la liligi loa le fa pusa, ti na lau loa le paaga leia na maua i le fale o le Eteleno.

Lua tosi o Sau 17:16

Na lotou tiaki loa a fakatotonu fuli a le Eteleno, lolatou Atua, ti na lotou fai loa kia latou ni pipi e lua ki le ukamea na saka, ti na lotou fau loa ni fakatata o Asetalate, ti na lotou atolasio loa ki le kau tau katoa o le lagi, ti na lotou tausi loa kia Paale.

Lua tosi o Sau 21:3

Na toe fakatuu loa e ia a ganea taualuga, ala na maumaui e Esekiasi, lona tamana ; na fakatuu loa e ia ni aletale kia Paale, ti na fai loa e ia se fakatata o Asetalate, ofaipe le fai e Akapo, sau o Iselaele, ti na atolasio loa a ia ki le kau tau katoa o le lagi mo tausi ki ai.

Lua tosi o Sau 21:5

Na fakatuu loa e ia ni aletale ki le kau tau o le lagi i malae e lua o le fale tapu o le Eteleno.

Lua tosi o Sau 21:7

Na tuku loa e ia le fakatata o Asetalate, leia na fai e ia, ki loto o le fale leia na pati ki ai le Eteleno kia Tavite mo Salomone, lona vosa : Ko le fale leinei, leia e tuu i Selusalemi, leia na kau filifili i faasiga fuli o Iselaele, ti e kau loto ke fakasa ai loku suafa o lee gato.

Lua tosi o Sau 22:4

Na pati loa le sau kiate ia : Pale kia Ilekisa, le tagata faisakilifisio lasi, ti ke tanaki mai loa e ia le paaga leia na aumai ki le fale o le Eteleno, le paaga leia na tanaki e kau tagata leo o le uluaga o le fale tapu mei le kakai.

Lua tosi o Sau 23:12

Ti na maumaui loa e le sau a aletale ala na tuu i aluga o ato o le kogafale aluga o Akase, ala na fai e sau o Suta, ti mo aletale ala na fai e Manase i malae e lua o le fale o le Eteleno ; i le oki o lana maumaui mo sau mei ai, na laku loa e ia le efu ki le liua o Setolone.

Lua tosi o Sau 23:15

Ti na maumaui loa e ia le aletale leia na tuu i Petele, ti mo le ganea taualuga leia na fakatuu e Selopoamo, vosa o Nepate, leia na fakaagasalai ia Iselaele ; ti na tutu loa e ia le ganea taualuga o okioki, ti na tutu loa e ia le fakatata.

Lua tosi o Sau 25:18

Na too loa e le pule o le solia a Selasa, le tagata faisakilifisio lasi, mo Sofoni, le lua o tagata faisakilifisio, ti mo ni tagata leo matapa e toka tolu.

Lua tosi o Koloniko 15:16

Na too foki e le sau ko Asa mei lona tinana ko Maaka, lona tuulaga fafine sau, o tupu na fai e ia se fakatata o Asetalate. Na maumaui loa e Asa lona taulaatua o momoliki ti na fakatotonu loa e ia ke tutu a ia i le liua o Setolone.

Lua tosi o Koloniko 33:3

Na toe laga loa e ia a ganea taualuga, ala na maumaui e lona tamana ko Esekiasi ; na fakatuu loa e ia ni aletale kia Paale, ti na fai loa e ia ni fakatata o Asetalate, ti na atolasio loa a ia ki le kau tau o le lagi.

Lua tosi o Koloniko 33:7

Na fakatuu loa e ia le fakatata leia na ta e ia ki le fale o le Atua, le fale leia na pati ki ai le Atua kia Tavite mo Salomone, lona vosa : Kua kau filifili le fale leinei mo Selusalemi i nofoaga fuli o Iselaele ke agai ai loku suafa o lee gato.

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Selemia 52:24

Na too loa e le pule o le kau leo a Selesa, le tagata faisakilifisio lasi, mo Sofoni, le lua o tagata faisakilifisio, ti mo kau leo matapa e toka tolu.

Selemia 7:9

Kolea ! Kaia, tukipo, tono avaga, Fakapapau loi, momoli iseso kia Paale, Tausi ki ni atua kese ala e leaise kotou iloa !…

Esekiele 8:6

Ti na pati mai loa a ia kiate au : Vosa o le tagata, pe ke tio ki le nea leia e lotou fai, ki nea fakalialia lalasi ala e fai i leinei e le fale o Iselaele, o tupu ke kau fakamamao i loku sagatualio ? Kae e ke tio loa ki ni iki a nea fakalialia lalasi ake.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Amosi 4:4

Kotou ano ki Petele, ti kotou agasala ! Kotou ano ki Kilikale, ti kotou asilisili agasala ! Kotou momoli akoutou sakilifisio i usu fuli, Ti mo akoutou vaega kau agafulu i aso fuli e tolu !

Sofoni 1:4

E kau falo loa loku lima kia Suta, Ti mo le kakai fuli o Selusalemi ; E kau tuuti loa i le ganea leinei a toega o Paale, Mo le igoa o ana minisi ti mo ana pelepitelo mo latou,

Mateo 26:3

Ti na fakatasi loa le kau pule faisakilifisio mo le kau fakamatuatua o le kakai i le malae o le pule faisakilifisio ko Kaifa ;

Mateo 27:1

I le usu ake, na fono loa le kau pule faisakilifisio fuli mo le kau fakamatuatua o le kakai ke tamate Sesu.

Soane 18:1

I le oki o lana fakasa a nea ana, na ano loa Sesu mo ana tisipulo ki leia atu fetuu o le vaitafe ko Setolone, leia na tuu ai se oloto, ti na ulu loa a ia ki ai mo ana tisipulo.

Tuifakamaau 2:13

Na lotou tiaki loa le Eteleno kae lotou tausi loa kia Paale mo Asetalate.