Lua tosi o Sau 23:34 - Tosi Tapu

³⁴ Ti na fakanofo loa e Falaone Neko a Eliakimi, vosa o Sosiasi, ke sau o fetogi a Sosiasi, lona tamana, ti na fetogi loa e ia lona igoa ki leia o Sosakimi. Na too loa e ia Soakase, leia na ano loa ki Esipito, o mate i ai.

Lua tosi o Sau 23:34 ပူးပေါင်းရင်းမြစ်များ

Senesi 41:45

Ti na soli loa e Falaone kia Sosefo le igoa ko Safinati-Paeneasi ; ti na soli loa e ia kia Sosefo a Asenate, taine o Potifela, ko le pelepitelo o Oni, ke avaga mo ia. Ti na ano loa Sosefo o fakatele le fenua katoa o Esipito.

Lua tosi o Sau 23:29

I le temi o Sosiasi, na pale ake loa Falaone Neko, sau o Esipito, o taui le sau o Asilia, i le vaitafe o le Eufalate. Na ano loa le sau ko Sosiasi ke taui a ia ; ti na tamate loa a ia e Falaone i Mekito, i lana tio kiate ia.

Lua tosi o Sau 24:17

Ti na fakanofo loa e le sau o Papilone a Matania ke sau o fetogi Sosakini, lona tuatinana, ti na fetogi loa e ia lona igoa ki leia o Setesiasi.

Uluaki tosi o Koloniko 3:15

Ko vosa o Sosiasi : ko le uluaki ko Sokanane ; ko le lua ko Sosakimi ; ko le tolu ko Setesiasi ; ko le fa ko Salume.

Selemia 1:3

kae sau Sosakimi, vosa o Sosiasi i Suta, o kaku ki le fakaoki o le fetuu kau agafulu tupu tasi o Setesiasi, vosa o Sosiasi, sau o Suta, o kaku ki le ave fakapopula o Selusalemi i le masina lima.

Selemia 35:1

Na folafola loa le Eteleno kia Selemia, i le temi o Sosakimi, vosa o Sosiasi, sau o Suta, o pati :

Taniela 1:7

Na soli loa e le pule o le kau enuke ni igoa kia latou, kia Taniela le igoa ko Pelesatesale, kia Anania leia ko Satalake, kia Misaele leia ko Mesake, kia Asalia leia ko Apeteneko.

Sosue 18:18

Na ano loa a ia i le fetuu noleto i mua o Alapa, o ifo ki Alapa,