Lua tosi o Sau 23:3 - Tosi Tapu

³ Na tuu le sau i le ganea taualuga, ti na fai loa e ia se sai i mua o le Eteleno, ke mulimuli i le Eteleno, ke tausi ki ana fakatotonu mo ana pelesepeto mo ana lao i lona loto katoa mo lona laumalie katoa, ke fai a folafola fuli o le sai lena, ala kua tosi i le tosi lena. Ti na fakamaoki loa le kakai katoa ki le sai.

Lua tosi o Sau 23:3 ပူးပေါင်းရင်းမြစ်များ

Lua tosi o Sau 11:14

Na tio loa Atalia. Ti ko leinei, kua tuu le sau i le ganea leia e nofo masani ai le sau ; ti kua tutuu a pule mo le kau pupusi fakatagi o ofi ki le sau : ti kua fakafiafia le kakai katoa o le fenua, ti kua pupusi a fakatagi pupusi. Na sae loa e Atalia ona teu, o kalaga : Ko le kaka ! Ko le kaka !

Lua tosi o Sau 11:17

Na fai loa e Seosata se sai i mua o le Eteleno, mo le sau, ti mo le kakai, ke lotou liliu ko kakai a le Eteleno ; ti na fai foki e ia le sai i le vasa o le sau mo le kakai.

Lua tosi o Koloniko 15:15

ti na fiafia loa Suta katoa i le fakapapau lena, talie na lotou fakapapau i lolatou loto katoa, ti na lotou afa le Eteleno i lolatou loto malie, ti kua lotou maua a ia, ti kua soli e le Eteleno kia latou se malolo mei potu fuli.

Lua tosi o Koloniko 23:13

Na tio loa a ia. Ti ko leinei, kua tuu le sau i lona tuuaga i le uluaga ; ti na ofi ki le sau le kau pule mo fakatagi pupusi ; ti na fiafia le kakai katoa o le fenua, o pupusi fakatagi, ti na taki e le kau sua mo le kau fai musika a sua fakavikiviki. Na sae loa e Atalia ona kofu, o pati : Kaka ! Kaka !

Lua tosi o Koloniko 23:16

Na fai loa e Seosata, mo le kakai katoa, ti mo le sau, se sai, o tupu ko le kakai latou a le Eteleno.

Lua tosi o Koloniko 29:10

Koia kua kau manatu ai ke fai se sai mo le Eteleno, o tupu ke maliu ai lona sausau lasi ia tatou.

Esetalasi 10:3

Ke tou fai i le aso nei se sai mo lotatou Atua ke kakau a fafine pagani fuli mo alatou fanau, o mulimuli ki le manatu a loku aliki mo latou fuli ala e lulu i mua o folafola a lotatou Atua. Ti ke fai o mulimuli ki le lao.

Neemia 10:1

Ko nei latou ala na fakamaoki ia le tosi : Ko Neemia, le kovana, vosa o Akalia.

Neemia 5:13

Ti na kau tutuui loa loku taupulupulu, o pati : Ke tuui feneeki loa e le Atua a tagata fuli mei lona fale mo ona koloa, leia e leaise fai loa ki le nea kua pati ki ai, ke tuui feneeki a ia, ti ke nofo mativa a ia ! Ti na pati loa le fakatasiga katoa : Amene ! Na lotou fakafetai loa ki le Eteleno, ti na fai loa e le kakai o mulimuli ki lalatou fakapapau.

Neemia 9:38

O tupu ko nea fuli ana, e motou fai loa se sai ke tuu mau mo fakamaoki i se tosi ; ti na fakamaoki loa a ia e omatou pule, mo omatou Levi ti mo omatou tagata faisakilifisio.

Ekesote 24:3

Na ano loa Moisese o fakasa ki le kakai a masau fuli a le Eteleno mo ana lao fuli. Ti na tali fakatasi loa le kakai katoa : E motou fai loa a nea fuli ala kua pati ki ai le Eteleno.

Ekelesiasi 8:2

E kau pati atu kiate koe : Fakalogo ki fakatotonu a le sau, o tupu ko le fakapapau leia kua fai ki le Atua.

Selemia 34:15

Kae ko koutou, kua kotou toe maliu mai, o fai le nea leia e totonu ki oku mata, o kotou tuku okoutou fetaina ke lauatea, ti kua kotou fai se fakapapau i oku mua, i le fale leia e kalagai ai loku suafa.

Selemia 34:8

Na tuku loa le folafola a le Eteleno kia Selemia, i le oki o le fai e le sau ko Setesiasi se fakapapau mo le kakai katoa o Selusalemi, ke fakasa le lauatea,

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Tetelonome 10:12

I le aso nei, Iselaele, kolea le nea leia e kole atu kiate koe e le Eteleno, lou Atua ? Ke ke i ki le Eteleno, lou Atua, o saele i ona ala fuli, o alofa mo tausi ki le Eteleno, lou Atua, i lou loto katoa mo lou laumalie katoa.

Tetelonome 11:13

Kapau e kotou fakalogo ki aku folafola ala e kau tuku kia koutou i le aso nei, kapau e kotou alofa ti mo kotou tausi le Eteleno, lokoutou Atua, i lokoutou loto katoa mo lokoutou laumalie katoa,

Tetelonome 13:4

Ke kotou mulimuli loa i le Eteleno, lokoutou Atua, ti ke kotou i loa kiate ia ; ke kotou tausi loa ana folafola, ke kotou fakalogo loa ki lona leo, ke kotou tausi loa kiate ia, ti ke kotou pipiki loa kiate ia.

Tetelonome 29:1

Ko nei a folafola o le sai leia na fakatotonu e le Eteleno kia Moisese ke fai mo fanau a Iselaele i le fenua o Moape, kae kese fai le sai leia na fai e ia mo latou i Olepe.

Tetelonome 4:45

Ko nei a fakamaoki, mo lekula, mo fakatotonu ala na fakasa e Moisese ki fanau a Iselaele, i le oki o le mavae mei Esipito.

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Tetelonome 6:5

Ke ke alofa loa ki le Eteleno, lou Atua, i lou loto katoa, mo lou laumalie katoa, mo lou makeke katoa.

Tetelonome 8:19

Kapau e ke galoi loa le Eteleno, lou Atua, o ke pipiki loa ki ni iki atua kese, ti kapau e ke tausi loa ti mo ke atolasio loa kia latou, e kau fakapapau atu kia koutou i le aso nei e kotou mamate loa.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,