Lua tosi o Sau 23:20 - Tosi Tapu

²⁰ Na tutu loa e ia i aluga o aletale a kau pelepitelo fuli o ganea taualuga, ala na nonofo i ai, ti na tutu loa e ia a ivii tagata i ai. Ti na toe liliu loa Sosiasi ki Selusalemi.

Lua tosi o Sau 23:20 ပူးပေါင်းရင်းမြစ်များ

Uluaki tosi o Sau 13:2

Na kalaga loa a ia ki le aletale, o mulimuli ki le folafola a le Eteleno, ti na pati loa a ia : Aletale ! aletale ! ko leinei le folafola a le Eteleno : Ko leinei, e tupu loa se vosa i le fale o Tavite, ko lona igoa ko Sosiasi ; e tutu loa e ia i ou aluga a pelepitelo o potu taualuga ala e tutu ia i ou aluga ni kaloni, ti e tutu loa i ou aluga ni ivii tagata !

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Lua tosi o Sau 10:25

I le oki o le momoli o failaulau, na pati loa a Seu ki le kau polisi mo le kau ofisa : Kotou ulu, o tamate latou, ti ke aua na fakamauli fua se fa toka tasi. Ti na lotou taai loa latou ki le mata o le seleta. Na laku loa latou i ai e le kau polisi mo le kau ofisa, ti na lotou ulu loa ki le potu tapu o le fale o Paale.

Lua tosi o Sau 11:18

Na ulu loa le kakai katoa ki le fale o Paale, ti na lotou maumaui loa a ia ; na lotou maumaui katoa ona aletale mo ona fakatata, ti na lotou tamate i mua o aletale a Matane, le pelepitelo a Paale. Na tuku loa e le tagata faisakilifisio ko Seosata ni tagata leo ki le fale o le Eteleno.

Lua tosi o Koloniko 34:5

ti na tutu loa e ia a ivi o le kau pelepitelo pagani i aluga o olatou aletale. Na fenaaki loa lana fakamea a Suta mo Selusalemi.

Ekesote 22:19

Ko leia e momoe mo se manu, e tonu ke fakatuaa a ia ki le mate.

Ekesote 22:20

Ko leia e momoli ia ni sakilifisio ki ni atua kese i le Eteleno toka tasi, e tonu ke tamate a ia.

Esaia 34:6

Kua apele le seleta a le Eteleno i le toto, ti kua piki i ai a gako Mo le toto o akeno mo koti, Ti mo gako o ifiifi o ovi tagata ; Talie e i ai ni vikitima a le Eteleno i Potesela, Ti mo se tamatea tagata lasi i le fenua o Etome.

Levitiko 26:30

E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.