Lua tosi o Sau 23:2 - Tosi Tapu

² Ti na pale loa a ia ki le fale o le Eteleno mo tagata fuli o Suta, mo le kakai katoa o Selusalemi, mo le kau tagata faisakilifisio, mo le kau polofeta, ti mo le kakai katoa, mei leia e ikiiki oki o kaku ki leia e lasi. Na lau loa e le sau i olatou mua a folafola fuli o le tosi o le sai, leia na maua i le fale o le Eteleno.

Lua tosi o Sau 23:2 ပူးပေါင်းရင်းမြစ်များ

Senesi 19:11

Ti na la fakakivi loa a mata o le kakai leia na tuu i le mua matapa o le fale, mei le tupulaga o kaku ki le matua, o lotou pakia loa i le afa o le matapa.

Uluaki tosi o Sau 8:9

Na gato fai ki fatu e lua na tuku loa i loto o le aleka, fatu ala na tuku ki ai e Moisese i Olepe, i le temi leia na fai ai e le Eteleno lana sai mo fanau a Iselaele, i lalatou mavae mei le fenua o Esipito.

Lua tosi o Sau 22:8

Ti na pati loa Ilekisa, le tagata faisakilifisio lasi kia Safani, le sekalaipe : Kua kau maua le tosi o le lao i le fale o le Eteleno. Ti na soli loa e Ilekisa le tosi kia Safani, o lau loa e ia.

Lua tosi o Koloniko 15:13

ti ko leia e leaise afa ia loa le Eteleno, le Atua o Iselaele, e tonu loa ke tamate a ia, pe ikiiki pe lasi, pe tagata pe fafine.

Lua tosi o Koloniko 17:9

Na lotou ako loa ki le kakai o Suta le tosi o le lao a le Eteleno. Na lotou ano loa i kolo fuli o Suta, ti na lotou ako loa le kakai.

Neemia 13:1

I le temi lena, na lau loa le tosi a Moisese i mua o le kakai, ti na maua loa kua tosi i ai e leaise tonu ke ulu le kau Moape mo le kau Amone ki le fakatasiga o fanau a le Atua i se aso,

Neemia 9:3

Na lotou tutuu loa ki aluga, ti na lau loa le tosi o le lao a le Eteleno, lolatou Atua, i ni ola e tolu, ti na lotou punou loa o kofesio alatou agasala mo atolasio ki le Eteleno, lolatou Atua, i ni iki a ola e tolu.

Esitele 1:5

I le sili o aso ana, na fai loa se kai e le sau ki le kakai katoa leia na nofo i Suse ko le kolo mua, i lolotoga o aso e fitu, i le malae o le fale o le sau.

Sopo 3:19

I lena e nonofo fakatasi leia e lasi mo leia e ikiiki, Ti e lauatea le tagata popula i lona pule.

Pesalemo 115:13

E tapuaki loa a ia kia latou ala e i ki le Eteleno, Liliki mo lalasi ;

Selemia 34:8

Na tuku loa le folafola a le Eteleno kia Selemia, i le oki o le fai e le sau ko Setesiasi se fakapapau mo le kakai katoa o Selusalemi, ke fakasa le lauatea,

Gaoi 26:22

Kae, i le tokoi a le Atua, koi kau mauli o kaku mai ki le aso nei, o fakamaoki i mua o le kau liliki mo le kau lalasi, kae e leaise kau sese fua i se nea fakaikiiki mei nea ala na fakasa e le kau polofeta mo Moisese e tonu ke soko,

Tetelonome 31:26

Ke kotou too le tosi leinei o le lao, ti ke kotou tuku a ia ki tafa o le aleka o le sai o le Eteleno, lokoutou Atua ; e tuku loa a ia i ai ofaipe se fakamaoki kiate koe.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.

Uluaki tosi a Samuele 30:2

Ti kua lotou ave fakapopula a fafine mo latou fuli ala na nonofo i ai, lalasi mo liliki. Na leaise lotou tamate fua se fa toka tasi, kae na lotou too loa a nea fuli, ti na lotou toe soko atu loa lolatou ala.

Uluaki tosi a Samuele 5:9

Kae i le oki o lona ave, na vilo loa le lima o le Eteleno ki le kolo, ti na i ai loa se mamae lasi i le kolo ; na taai loa e le Eteleno le kakai o le kolo, mei leia e ikiiki ki leia e lasi, ti na maua loa e le kakai o le kolo le masaki veli ko le mamae o le faikauga.