Lua tosi o Sau 23:19 - Tosi Tapu

¹⁹ Ti na toe maumaui loa e Sosiasi a fale fuli o ganea taualuga, ala na tuu i kolo o Samalia, ala na fakatuu e sau o Iselaele ke tupu ai le ita o le Eteleno ; na fai loa e ia i Samalia a nea fuli ala na fai e ia i Petele.

Lua tosi o Sau 23:19 ပူးပေါင်းရင်းမြစ်များ

Uluaki tosi o Sau 12:31

Na fakatuu loa e Selopoamo se fale i se potu taualuga, ti na fakatupu loa e ia ni tagata faisakilifisio ala na filifili mei le kakai ti na leaise kau ki vosa o Levi.

Uluaki tosi o Sau 13:32

Talie e soko maoki loa le folafola leia na fakasa e le tagata a le Atua mei le folafola a le Eteleno, ki le aletale o Petele ti mo potu taualuga fuli ala e tuu i kolo o Samalia.

Uluaki tosi o Sau 16:33

ti na fai loa e ia se fakatata o Asetalate. Na fai loa e Akapo o lasi ake i sau fuli o Iselaele i ona mua, ke fakatupu ai le sausau o le Eteleno, le Atua o Iselaele.

Lua tosi o Sau 17:9

Na fai fakafufu loa e fanau a Iselaele ki le Eteleno, lolatou Atua, ni nea ala e leaise malie. Na lotou fakatuu loa kia latou ni ganea taualuga i olatou kolo fuli, mei tule leo o kaku ki kolo tau.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Sau 8:18

Na saele loa a ia i le ala o sau o Iselaele, ofaipe le fale o Akapo, talie na avaga a ia mo se taine o Akapo, ti na fai loa e ia le nea leia e veli ki mata o le Eteleno.

Lua tosi o Koloniko 31:1

I le oki o nea fuli ana, ko latou fuli o Iselaele, ala na nofo i ai, na ano loa ki kolo o Suta, ti na lotou maumaui loa a fakatata mo taulaatua, ti na lotou maumaui loa a ganea taualuga fuli mo aletale i Suta katoa mo Pesamino, mo Efalaimi, ti mo Manase. Ti na tasi toe liliu loa a fanau fuli o Iselaele ki lona kolo, mo lona fale.

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Mikea 6:16

E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.