Lua tosi o Sau 23:13 - Tosi Tapu

¹³ Ti na fakakelekele loa e le sau a ganea taualuga ala na tuu i mua o Selusalemi, i le fetuu atamai o le mauga o le malaia, ala na fakatuu e le sau ko Salomone kia Asetalate, le fakatata fakalialia o le kau Sitone, mo Kemosi, le fakatata fakalialia o le kau Moape, ti mo Milekome, le atua fakalialia o vosa o Amone.

Lua tosi o Sau 23:13 ပူးပေါင်းရင်းမြစ်များ

Uluaki tosi o Sau 11:33

Ti e soko loa le nea lena, talie kua lotou aga o tiaki au, kae kua lotou su loa i mua o Asetalate, atua o le kau Sitone, mo mua o Kemosi, atua o Moape, ti mo mua o Milekome, atua o vosa o Amone ; talie na leaise lotou saele i oku ala, ke fai le nea leia e totonu ki oku mata mo taupau aku lao mo aku fakatotonu, ofaipe le fai e Tavite, tamana o Salomone.

Uluaki tosi o Sau 11:5

Na mulimuli loa Salomone kia Asetalate, le atua fafine o le kau Sitone, mo Milikome, le nea fakalialia o le kau Amone.

Uluaki tosi o Sau 11:7

Koia na fakatuu loa e Salomone i le mauga leia e agaaga ki Selusalemi se potu taualuga kia Kemosi, le nea fakalialia o le kau Moape, ti mo Moloke, le nea fakalialia o vosa o Amone.

Neemia 13:26

Pe na leaise se agasala Salomone, sau o Iselaele, i le nea lena ? Kae na leaise tatau se sau mo ia i atu puleaga lalasi, ti na alofaia a ia e lona Atua, leia na fakanofo ia a ia ke sau i Iselaele katoa ; kae na fakasalai a ia e fafine matapule.

Esaia 44:19

E leaise fakakaukau a ia, Ti e leaise maua e ia se atamai, pe ko le manatu poto fua ke pati : Na kau tafu le afi ki le koga o le laakau leinei, Na kau fakamoso se nea kai i malala kaka, Na kau tunu i ai se inati ti na kau kai a ia ; Ti e kau fai loa ki le toe o le potu laakau se nea fakalialia ! E kau punou loa i mua o se potu laakau !

Selemia 11:13

Talie e mauke tatau ou atua mo ou kolo, ei Suta ! Ti e lasi tatau a ala o Selusalemi Mo aletale ala na kotou fakatuu ki taulaatua, Ke momoli ai le iseso kia Paale…

Selemia 48:13

E luma loa Moape ki lona atua ko Kemosi, Ofaipe le luma o le fale o Iselaele Ki Petele, leia na fakaapele ia a ia i le fanaki.

Selemia 48:16

Kua vave soko fua le maumaui o Moape, Kua au fakatavili lona malaia.

Selemia 48:7

Talie, o tupu na ke fanaki ki au gaoi mo ou koloa, Ko koe foki, e ke too loa, Ti e ano loa Kemosi o popula, Mo ona kau pelepitelo ti mo ona kau pule.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Numelo 21:29

Malaia kiate koe, Moape ! Kua ke puli noa, kakai o Kemosi ! Kua sosola ou vosa ! Ti kua popula ou taineliki Kia Sioni, sau o le kau Amole.

Tuifakamaau 10:6

Na toe fai loa e fanau a Iselaele le nea leia na veli ki mata o le Eteleno : Na lotou tausi loa Paale mo Asetalate, ko atua o Silia, mo atua o Sitone, mo atua o Moape, mo atua o Amone, ti mo atua o le kau Filisitini. Na lotou tiaki loa le Eteleno ti na leaise lotou toe tausi loa kiate ia.

Tuifakamaau 11:24

Pe leaise ke maua ia le fenua leia na soli atu kiate koe e lou atua ko Kemosi ? Ti ko matou foki, e tonu ke motou maua ia a nea fuli ala na soli mai kia matou e le Eteleno ko lomatou Atua !

Tuifakamaau 2:13

Na lotou tiaki loa le Eteleno kae lotou tausi loa kia Paale mo Asetalate.

Uluaki tosi a Samuele 12:10

Na lotou toe tagi loa ki le Eteleno, o pati : Kua motou agasala, talie kua motou tiaki le Eteleno, ti kua motou tausi ki fakatata o Paale mo Asetalate ; saofaki matou i le aso nei mei le lima o omatou fili, ti e motou tausi loa kiate koe.

Uluaki tosi a Samuele 7:4

Ti na sau loa e fanau a Iselaele i loto malie o latou a fakatata o Paale mo Asetalate, ti na lotou tausi loa ki le Eteleno toka tasi.