Lua tosi o Sau 22:4 - Tosi Tapu

⁴ Na pati loa le sau kiate ia : Pale kia Ilekisa, le tagata faisakilifisio lasi, ti ke tanaki mai loa e ia le paaga leia na aumai ki le fale o le Eteleno, le paaga leia na tanaki e kau tagata leo o le uluaga o le fale tapu mei le kakai.

Lua tosi o Sau 22:4 ပူးပေါင်းရင်းမြစ်များ

Lua tosi o Sau 12:4

Na pati loa Soasi ki tagata faisakilifisio : Ko le paaga katoa o nea tapu fuli ala e aumai ki le fale o le Eteleno, mo le paaga o tukusau, le paaga totogi o kakai fuli kua lau o mulimuli ki le fakafuafua kua fai, mo le paaga leia kua loto malie se tagata ke soli ki le fale o le Eteleno,

Lua tosi o Sau 12:5

tuku ke too le paaga lena e le kau tagata faisakilifisio, e le tagata taki toka tasi mei kakai ala e iloa e ia, ti ke lotou fakaaoga a ia ki le fau o potu ala kua maumau o le fale tapu.

Lua tosi o Sau 18:18

Na lotou kalagai loa le sau ; ti na ulu mai loa ki fafo kia latou Eliakimi, vosa o Ilekisa, pule o le fale o le sau mo Sepena, le sekalaipe, mo Soake, vosa o Asafe, le tagata fakafofoga a le sau.

Uluaki tosi o Koloniko 6:13

Na tupu loa meia Salume a Ilekisa ; na tupu loa meia Ilekisa a Asalia ;

Uluaki tosi o Koloniko 9:11

mo Asalia, vosa o Ilekisa, vosa o Mesulame, vosa o Satoke, vosa o Melasote, vosa o Asitupe, pule o le fale o le Atua ;

Uluaki tosi o Koloniko 9:19

Mo Salume, vosa o Kole, vosa o Epiasafe, vosa o Kole, mo ona fetaina mei le fale o lona tamana, le kau Kole, na pule a ia ki gaoi o le leo matapa o le falela ; na leoleo e olatou tamana le uluaga o le nofolaga tau o le Eteleno.

Lua tosi o Koloniko 8:14

Na fakanofo loa e ia ki olatou tuulaga, o mulimuli ki le nea leia na fakatuutuu e Tavite, lona tamana, a lakaga o le kau tagata faisakilifisio o mulimuli ki alatou kavega, mo le kau Levi o mulimuli ki alatou gaoi, ala ko le sua o fakavikiviki o le Eteleno mo fai i aso taki tasi le tausi i tafa o le kau tagata faisakilifisio, ti mo le kau tuu matapa ala na vaevae ki matapa o mulimuli ki olatou lakaga ; talie na fenaaki lona fakatotonu e Tavite, tagata a le Atua.

Neemia 11:19

Ko le kau tuu matapa : ko Akupe, mo Talemone, mo ola fetaina, ala na leoleo ki matapa, ko le tino lelau tino fitu tupu lua.

Pesalemo 84:10

Ei Atua, ko koe ko lomatou paletau, Tio mai ki mata o lau filifiliia !